ಪ್ರಾಣವೆಂಬ ಈ ಜೀವಾತ್ಮವು
ಜೀವನದಾಟಗಳ ಮುಗಿಸಿ ಕೂತಿದೆ,
ಉಸಿರು ಹಾರುವ ತವಕದಲಿ
ಜೀವನದ ಬಯಕೆಗಳ ಮುಗಿಸಲು,!

ಬರೀ ಗೋಳು, ಈ ಬದುಕು
ದೇವನೇ ತೆಗೆದು ಬಿಡು ಪ್ರಾಣವ,
ನನ್ನೂಸಿರನು ಈ ದೇಹದಿಂದೊಮ್ಮೆ
ಈ ಜನ್ಮವು ಸಾಕು, ಮುಗಿಸಿ ಬಿಡಲು,!

ಯಾರಿಗೂ ಹೊರೆಯಾಗದೆ
ಯಾರಿಂದಲೂ ನನ್ನ ತಿರಸ್ಕರಿಸದೆ
ನೋಯಿಸುವ ಮುನ್ನ, ನನ್ನನ್ನೊಮ್ಮೆ
ಕರೆಸಿ ಬಿಡು ದೇವ, ನಿನ್ನ ಬಳಿ ಸೇರಲು,!

ನನ್ನಾತ್ಮವನು ಸ್ವೀಕರಿಸಿ
ನಿನ್ನೊಡನೆ ಸುಖವಾಗಿರಲು ಬಿಡು,
ನನ್ನಯ ಸತ್ಕರ್ಮಗಳೊಮ್ಮೆ
ಬೇಗನೆ ತೂಲನೆ ನೀ ಮಾಡಿ ಬಿಡಲು,!