ಸರ್ವಮಂಗಳ ಜಯರಾಂ ಅವರ ಗಜಲ್ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಸರ್ವಮಂಗಳ ಜಯರಾಂ

ಗಜಲ್

ನಿನಗೂ ಒಂದು ವ್ಯಕ್ತಿತ್ವವಿದೆ
ತಾಳ್ಮೆಯಿಂದಿರು ಮನವೇ /
ನಿನಗೂ ಒಂದು ಅಸ್ತಿತ್ವವಿದೆ
ಸಹನೆಯಿಂದಿರು ಮನವೇ /

ಉರಿಯುವ ಬೆಂಕಿಗೆ ತುಪ್ಪ
ಸುರಿಯುವ ಕಾಲವಿದು /
ನಿನಗೂ ಒಂದು ಅಸ್ಮಿತೆಯಿದೆ
ತಲ್ಲಣಿಸದಿರು ಮನವೇ /

ಗಾಳಿ ಬಂದಾಗ ತೂರಿಕೊಳ್ಳುವ
ಜಾಣರ ಲೋಕವಿದು /
ನಿನಗೂ ಒಂದು ಕಾಲವಿದೆ
ಮೌನಿಯಾಗಿರು ಮನವೇ /

ತಮ್ಮದೇ ವ್ಯವಹಾರದಲ್ಲಿ
ಎಲ್ಲರೂ ಮುಳುಗಿಹರು /
ನಿನಗೂ ಒಂದು ಗೌರವವಿದೆ
ಶಾಂತಿಯಿಂದಿರು ಮನವೇ /

ಸರ್ವಮಂಗಳ ಜಯರಾಂ.

Related Posts