ಕಾವ್ಯ ಸಂಗಾತಿ
ಪರವಿನ ಬಾನು ಯಲಿಗಾರ
“ಕವಲೊಡೆದ ಭಾವ “
ನಡೆಯುವ ದಾರಿ ಒಂದೇ ಆಗಿತ್ತು ,
ಸ್ವಲ್ಪ ದೂರ ನಡೆದಾಗ ಕವಲೊಡೆಯಿತು .
ಇಬ್ಬರ ದಾರಿಯೂ ಬೇರೆ ಬೇರೆಯಾದವು ,
ಮೆಲ್ಲಗೆ ಮೌನದಿ ……
ನೀ ಹೋದೆ ನಿನ್ನ ದಾರಿಯಲಿ,
ನಾ ಬಂದೆ ನನ್ನದೆ ದಾರಿಯಲಿ ,
ಬಹು ದೂರ ನಡೆದೆವು, ನಮ್ಮಷ್ಟಕ್ಕೆ ನಾವು ,
ತುಸು ಮೌನದಿ …..
ಆಕಸ್ಮಿಕ ಎಂಬಂತೆ ,
ಬಾಳ ದಾರಿಯ ತಿರುವಿನಲ್ಲಿ ,
ಮತ್ತೆ ಭೇಟಿಯಾದೆವು ,
ಮತ್ತದೇ ಮೌನದಿ …..
ಅನಿವಾರ್ಯಕ್ಕೂ , ಅವಶ್ಯಕ್ಕೋ,
ಸಾಗಬೇಕಿತ್ತು ಪ್ರಯಾಣ ,
ಇನ್ನು ಮುಂದೆ ಒಂದೇ ದಾರಿಯಲ್ಲಿ ,
ಆದರೆ , ಮತ್ತೂ ಅದೇ ಮೌನದಿ ….
ಮೊದಲಿನ ನೀ ಇಲ್ಲ ,
ಮೊದಲಿನ ನಾನೂ ಇಲ್ಲ ,
ಸಾಗಬೇಕಿದೆ ಅಷ್ಟೆ ,
ಇನ್ನೂ ಅದೇ ಮೌನದಿ …..
ನಿನಗಂಟಿದ ನಂಟೆ ಬೇರೆ ,
ನನಗಂಟಿದ ನಂಟೆ ಬೇರೆ ,
ಮೌನದ ಹೊರತು,
ಈಗಿಲ್ಲ ಇಬ್ಬರ ನಡುವೆಯೂ
ಯಾವ ಭಾವದ ನಂಟು ….
ಕವಲೊಡೆದದ್ದು ಬರೀ ದಾರಿಯಲ್ಲ ,
ಮನದ ಭಾವಗಳು ಸಹ ,
ಅಂದೆ ಕೊನೆ ಉಸಿರೆಳೆಯುತ್ತ ,
ಮೌನದಿ ……
ಪರವಿನ ಬಾನು ಯಲಿಗಾರ
About The Author
ಮನದ ಮಾತು ಮುಕ್ತವಾಗಿ ಹೇಳಿದ್ದೀರಿ .
ನೈಸ್