ಕಾವ್ಯ ಸಂಗಾತಿ
ಲೀಲಾ ಅ, ರಜಪೂತ ಹುಕ್ಕೇರಿ
ʼನಿನ್ನೊಲವೇ ಒಂದು ರೋಮಾಂಚನʼ
ನಿನ್ನ ಮಿಂಚುವ ಕಣ್ಣುಗಳಲಿ
ನೀನಾಡುವ ಮಾತುಗಳಲಿ
ನೀ ನೋಡುವ ನೋಟದಲಿ
ನೀನೆರೆಯುವ ಪ್ರೀತಿಯಲಿ
ರೋಮಾಂಚನವೇ ರೋಮಾಂಚನ!
ನೋಡುತನಿನ್ನ ಮುಗ್ಧಮೊಗದಲಿ
ನಗುವ ಆ ತುಂಟ ಮುಗುಳ್ನಗೆಯಲಿ
ನಿನ್ನ ಅಗಲಿಕೆಯ ವಿರಹ ವೇದನೆಯಲಿ
ನಿನ್ನ ನೆನಪಿನ ಆ ದೋಣಿ ಯಲ್ಲಿ
ರೋಮಾಂಚನವೇ ರೋಮಾಂಚನ!
ನಿತ್ಯ ಸೂಸುವ ತಂಗಾಳಿ ಯಲಿ
ಭಾವಾನುಭವದ ಆಗರದಲಿ
ನಿನಗಾಗಿ ಸುರಿಸುವ ಕಂಬನಿಧಾರೆಯಲಿ
ನಿನ್ನ ಸ್ಪರ್ಶದ ಆ ಸಗ್ಗದಲಿ
ರೋಮಾಂಚನವೇ ರೋಮಾಂಚನ!
ನೀ ಬಂದ ಆ ಘಳಿಗೆಯಲಿ
ಕಟ್ಟಿದಾ ಕನಸಿನರಮನೆಯಲಿ
ನಿನ್ನಪ್ಪುಗೆಯ ಬಿಸಿ ಉಸಿರಿನಲಿ
ಓ, ನಲ್ಲನೇ ಏನೆಂದು ಉಸಿರಲಿ
ನಿನ್ನೊಲವೇ ಒಂದು ರೋಮಾಂಚನ…. !
ಲೀಲಾ ಅ, ರಜಪೂತ ಹುಕ್ಕೇರಿ
.
About The Author
