ಕಾವ್ಯ ಸಂಗಾತಿ

ಸವಿತಾ ದೇಶಮುಖ ಕವಿತೆ

ʼಬಿಡುಗಡೆʼ

ಬಂಧ -ಸಂಬಂಧ ಕಳಚಿ
ಬಿಡುಗಡೆಯ- ಬೇಡಿಗೆ
ಬದ್ಧರಾದ ಬಂಧಿತರಿಗೆ
ನೋಡಿ ನೊಂದಿದೆ ಮನ….

ವರ್ಷಗಟ್ಟಲೆ ಕೂಡಿ ಸುಖಿಸಿ
ನಲಿದು -ಒಲಿದು – ಬಲಿತು
ಸಣ್ಣಅಪ ಮಾತುಗಳಿಗೆ
ಕಳಚಿ  ಬಿಟ್ಟಿತೇ…. ?

ಕೂಡಿ ಕಂಡ ಹೊಂಗನಸು
ಹುಟ್ಟಿದ ಕರುಳು ಕುಡಿಯ
ಮರೆತು ,ತಮ್ಮ- ತಮ್ಮ
ಅಹಂ  ಸಂತೈಸಲು ಹೊರಟ
ಮರೆತು ಒಲವು -ಪ್ರೇಮ..

ತಂದೆ -ತಾಯಿ- ಬಳಗ
ಬಿಟ್ಟು ದೂರ ಹೊಂಟವರ
ಕಂಡು ಮನ ಮರ-ಮರ
ಮರಗಿತ್ತು, ಕತ್ತಲೆಯ ಕಾರಿ ……

ಎತ್ತ  ಇಳಿದಿದೆ- ಎತ್ತಣ
ಹೊರಳಿದೆ  ಸಂಸ್ಕೃತಿಯ
ಬೇರ, ಸಂಸ್ಕಾರ ಮರೆಮಾಚಿ
ಹಿರಿ ಆಯಾಮ ಚೌಕಟ್ಟ….

ಮದುವೆ-ಬಂಧನ-  ದಾಟಿ
ಬಾಂಧವ್ಯ ಜಂಜಾಟ ಆಟ,
ಅಭಿಮಾನದ  ಕೂಟ …
ಮಕ್ಕಳ -ಕುಟುಂಬದ ಆತ್ಮ –

ವಂಚಿಸಿ ನೂಕಿ ನಿಂದಿವೆ,
ಅರೆ  ಕ್ಷಣದಲ್ಲಿ ಎಲ್ಲ ತೀರಿಸಿ
ನೀನು ಬೇರೆ -ನಾನು ಬೇರೆ
ಕಳಚಿ ಬಂಧನದ ಕೊಂಡಿ..

ಸೋಲು ಗೆಲುವಿನ ಆಣತಿ
ನಡೆದು ತೀರದ ಪಯಣದತ….
ಬಿಡುಗಡೆಯ ನೊಗ ಹೋತು….
ಕರಳು ಕೊರೆಯುವ ಮಾತು …

ಸವಿತಾ ದೇಶಮುಖ

About The Author

admin

See author's posts