ಮಾಜಾನ್ ಮಸ್ಕಿ ಅವರ ಗಜಲ್

ಕಾವ್ಯ ಸಂಗಾತಿ

ಮಾಜಾನ್ ಮಸ್ಕಿ

ಗಜಲ್

ಒಲುಮೆಗೆ ಒಲವು ಬೆಸೆಯದವನಿಗೆ ಏನೆಂದು ಕರೆಯಲಿ
ಸೇರದೆ ಕವಲು ದಾರಿ ಹುಡುಕುವನಿಗೆ ಏನೆಂದು ಕರೆಯಲಿ

ದುಂಬಿಯ ಸಂಗ ಮಧುರ ಮಧುಪಾನ ಎಂದು ಮಿಂದೆ
ಸದಾ ಮೋಹಕ ವಿಷವನ್ನೇ ಹರವುವನಿಗೆ ಏನೆಂದು ಕರೆಯಲಿ

ಭೂಮಿಯು ಸುಡುಬಿಸಿಲ ಕೆಂಡಾಗ್ನಿಯಲ್ಲಿ ಸುಡುತ್ತಿದೆ
ತಂಪಿನ ತಂಗಾಳಿ ಬಯಸುವನಿಗೆ ಏನೆಂದು ಕರೆಯಲಿ

ಮೈ ಮರೆಸುವ ಹೊಗಳಿಕೆಯ ಮಾತುಗಳ ಸುರಿಮಳೆ
ಕಪಟ ನಾಟಕಡಿ ನಟಿಸುವನಿಗೆ ಏನೆಂದು ಕರೆಯಲಿ

ನಂಬಿದವರೆಲ್ಲಾ ಬೆನ್ನ ಹಿಂದೆ ಚೂರಿ ಇರಿಯುತ್ತಿರುವರು
ಮಾಜಾಳ ರಕುತ ಬಾಚಿ ಚಿತ್ರಿಸುವನಿಗೆ ಏನೆಂದು ಕರೆಯಲಿ

ಮಾಜಾನ್ ಮಸ್ಕಿ

About The Author

admin

See author's posts