ತಿಲಕಾ ನಾಗರಾಜ್ ಹಿರಿಯಡಕ ಅವರ ಕವಿತೆ-ಹನಿಯ ಕನಸು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ತಿಲಕಾ ನಾಗರಾಜ್ ಹಿರಿಯಡಕ

ಹನಿಯ ಕನಸು

ಧರೆಯ ದಾರಿಯ ಹಿಡಿದ
ಹನಿಯ ಕನಸೇನಿರಬಹುದು?
ಹೀಗೇ ಊಹಿಸಿದೆ
ಭುವಿಯೊಡಲಲಿ ಇನ್ನೂ
ಕುಡಿಯೊಡೆಯದ ಬೀಜಕೆ ಆಸರೆಯಾಗುವುದೇ? ಇಲ್ಲ
ಬಿಸಿಲಿಗೆ ಕಾದ ಮಣ್ಣೊಳಗೆ
ಬೆರೆತು ಘಮಿಸುವುದೇ?
ಭೂಮಿಯೊಳಗೆ ಇಂಗಿ ಅಂತರ್ಜಲವಾಗಿ ಜಿನುಗುವುದೇ?
ಇಲ್ಲ
ಪಚ್ಚೆ ಪೈರಿನ ಮಡಿಲಲಿ ನಲಿವ
ತೆನೆಯ ಮೇಲೆ ಕುಳಿತು ಹೊಳೆಯುವುದೇ?