ಕಾವ್ಯ ಸಂಗಾತಿ
ಮುತ್ತು ಬಳ್ಳಾ ಕಮತಪುರ
ಗಜಲ್
ನೆನಪ ದಾರಿಯಲಿ ನಿತ್ಯ ಗೆಜ್ಜೆಯ ನಿನಾದವನು ಕೇಳುತಿರುವೆ
ಸರಿದ ಆ ಸಾವಿಲ್ಲದ ಪ್ರೀತಿಯ ಓಲೆಯನು ಬರೆಯುತಿರುವೆ
ಮಾತು ಮಾತಿಗೆ ನಗೆಯ ಮೂಡಿಸಿ ಹಗೆತನವ ಮರೆಸಿದೆಯೇಕೆ
ಭೇಟಿಯ ಸಮಯದಲಿ ಹೃದಯ ಪಲ್ಲವಿಯನು ಹಾಡುತಿರುವೆ
ಕಣ್ಣರಪ್ಪೆಗಳ ಬಡಿತ ಹೇಳದೆ ಉಳಿದವು ನೋವಿನ ಕಥೆಯಾ
ಪ್ರತಿ ನೋಟವೆ ಬನ ರಾಶಿ ರಾಶಿಯ ಪತ್ರಗಳನು ಎಣಿಸುತಿರುವೆ ||
ನಶೆಯ ಬಟ್ಟಲು ಖರೀದಿಸಿದರೂ ಆರೈಕೆ ಹೇಗೆ ಮರೆಯಲಿ
ಸತಾಯಿಸಿ ಸ್ವರ್ಗದ ಆ ಕೊನೆಯ ಬಯಕೆಯನು ತೀರಿಸಿರುವೆ
ಕನ್ನಡಿ ಬಿಂಬಕೂ ನಾಚಿಕೆ ನಿನ್ನ ರೂಪ ನನ್ನದವಲ್ಲವೆ ಮುತ್ತು
ಚಿಂತಿಸಿ ಚಿತ್ರಿಸುವ ದೃಶ್ಯ ಕಾವ್ಯದ ಒಸಗೆಯನು ಹುಡುಕುತಿರುವೆ
ಮುತ್ತು ಬಳ್ಳಾ ಕಮತಪುರ
About The Author
