ಕಾವ್ಯ ಸಂಗಾತಿ
ಸವಿತಾ ಇನಾಮದಾರ್ ಕವಿತೆ
ಒಲವಾಮೃತ
ಮೊದಲ ನೋಟದಲ್ಲೇ
ನನಗರಿವಿಲ್ಲದೇ ಪ್ರೀತಿಯ ಬೀಜಾಂಕುರವಾಗಿತ್ತು
ಇದು ಅರ್ಥವಾಗೋಕೂ ಮುನ್ನ
ನೀ ಕಾಣದೇ ಮಾಯವಾದಾಗ
ತಲೆ ಕೆಟ್ಟು ಹೋಗಿತ್ತು.
ನಿನಗಾಗಿ ಕಾದೆ,
ಸಪ್ತಸಾಗರವ ದಾಟಿದೆ
ನನ್ನ ಮೇಲೆ ನಿನಗೆ ಪ್ರೀತಿಯಿಲ್ಲ
ಎಂದು ತಿಳಿದು ನಾ ಸುಮ್ಮನಾದೆ.
ಕ್ಷಣಗಳು ದಿನಗಳಾದವು
ದಿನ ವರುಷಗಳಾದವು
ಅಂತೂ ನೀ ಇಂದು ಮುಂದೆ ಬಂದು ನಿಂತಾಗ
ಏನೂ ತೋಚದೇ ನಿನ್ನ ನೋಡುತ್ತಲೇ ನಿಂತೆ.
ಆಗ
ನಿನ್ನ ಹೊಳೆವ ಕಂಗಳಲ್ಲಿ ನನ್ನ ಬಿಂಬವ ಕಂಡೆ
ನನ್ನ ಪ್ರೀತಿಯ ಬಳ್ಳಿ ನಲುಗದೇ
ನಿನ್ನಾವರಿಸಿ ಹಬ್ಬಿರುವುದನು ನೋಡಿದೆ.
ನಿನ್ನ ಭಾವನೆಯ ಕುಸುಮ ನಸು ನಗುತ್ತಾ
ಸುಂದರ ಮುಖದಲ್ಲಿ ಅರಳಿದಾಗ
ಮೌನದಲೇ ಮನಸುಗಳು ಒಂದಾದವು.
ಒಲವಾಮೃತದ ಸವಿ ಉಣಬಡಿಸಿದವು.
ಸವಿತಾ ಇನಾಮದಾರ್. About The Author
ಹೃತ್ಪೂರ್ವಕ ಧನ್ಯವಾದಗಳು ಮಧುಸೂದನ ಅವರೇ..
ಸುಂದರ ಭಾವದ ಹಾಡು
ಮೆಚ್ಚುಗೆಯ ನುಡಿಗಳಿಗೆ ಹೃತ್ಪೂರ್ವಕ ಧನ್ಯವಾದಗಳು.