ಮಕ್ಕಳ ಸಂಗಾತಿ
ಈರಪ್ಪ ಬಿಜಲಿಯವರ ಶಿಶುಗೀತೆ
ರಂಗು ರಂಗಿನ ಚಂದಿರ
ಬಾರೋ ಇಂದ್ರ ನೋಡೊ ಚಂದ್ರ
ರಂಗು ರಂಗಲಿ ಕಾಣುವನು
ಯಾರೋ ಇಂದು ಅವಗೆ ಬಂದು
ಮೂರು ಬಣ್ಣ ಬಳಿದಹನು ||
ಅಯ್ಯೋ ರಂಗ ಪೆದ್ದು ಮಂಗ
ನಿನ್ನ ಊಹೆ ತಪ್ಪಿಹುದು
ಭರತ ಖಂಡ ಇಸ್ರೋ ತಂಡ
ತೆಗೆದ ಪಟವು ಆಗಿಹುದು ||
ಚಂದ್ರಯಾನ ಮೂರು ಪ್ರಗ್ಯಾನ
ಜಗವೆ ಬೆರಗುಗೊಳಿಸಿವುದು
ಚಂದ ಮಾಮ ಮುಂದೆ ನಮ್ಮ
ನಲಿವಿನಂಗಳವೆನಿಸುವುದು ||
ಕೇಸ್ರಿ ಬಿಳಿಯು ಹಸಿರು ಬಣ್ಣ
ನಮ್ಮ ರಾಷ್ಟ್ರ ಸಂಕೇತ
ಇಸ್ರೋ ವಿಜ್ಞಾನಿಗಳು ಮಾಡಿದ
ಸಾಧನೆ ಎಂದೂ ನವನೀತ||
ತಾರೋ ಗೋಪಿ ಊದೋ ಪೀಪಿ
ಜೈಹೋ ನಾದವ ನುಡಿಸೋಣ
ಇಂಥ ಸುದಿನ ಕೊಟ್ಟ ಬಿನ್ನಣ
ವೃಂದಕೆ ನಾವು ನಮಿಸೋಣ ||
ಈರಪ್ಪ ಬಿಜಲಿ.
About The Author
