ಎಸ್ ಜೆ ಟಿ ಸ್ವಾಮಿ ಕವಿತೆ-ನನ್ನರಸಿಗೆ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಎಸ್ ಜೆ ಟಿ ಸ್ವಾಮಿ

ನನ್ನರಸಿಗೆ

ಕಂಡು ನಿನ್ನ ರೂಪ ಲಾವಣ್ಯ
ಅನಿಸಿದೆ ನೀನಿಲ್ಲದ ಬಾಳು ನಗಣ್ಯ.
ಅವಳ ಬಣ್ಣ ನಸು ಗೆಂಪು
ಮಾತು ಕಿವಿಗೆ ಇಂಪು
ಸನಿಹ ಸುಗಂಧದ ಕಂಪು
ಜೊತೆ ಇದ್ದರೆ ಬಿರು ಬಿಸಿಲೂ ತಂಪು.
ಏಕತಾನತೆಯ ಬದುಕಿಗೆ ಬೇಕಿತ್ತು ಮದ್ದು..
ನೀ ಬಂದೆ ಮಾಡುತ್ತ ಕಾಲ್ಗೆಜ್ಜೆ ಸದ್ದು..
ಪ್ರಫುಲ್ಲವಾಯಿತು ಮನ ನೀ ಕೊಟ್ಟಾಗ ಮುದ್ದು ..
ಜೀವನವಾಯಿತು ಸ್ವರ್ಗ ನಿನ್ನೊಲುಮೆ ಮೆದ್ದು..
ಹೂಡಿರುವೆ ಮನಸಿನಲೆ ಬಿಡಾರ..
ಕನಸಿನಲೂ ನಿನ್ನದೇ ಚಿತ್ತಾರ..
ಕೊರಳಿಗಾಕುವೆ ಎಂದು ಮಂದಾರ ಹಾರ..
ಜೀವನ ಪರ್ಯಂತ ಮಾಡೋಣ ಸುಖ ಸಂಸಾರ..
ಎಸ್ ಜೆ ಟಿ ಸ್ವಾಮಿ