ಮಕ್ಕಳಪದ್ಯಗಳು
ಅರುಣ ರಾವ್
ಸಾಧನೆ
ಬೆಳ್ಳನೆ ಬಳಪ ಉದ್ದನೆ ಬಳಪ
ಬೆಣ್ಣೆಯಂದದಿ ನೀನಿರುವೆ|
ಕೈಯಲಿ ಹಿಡಿದು ಬರೆಯಲು ನಿನ್ನ
ಸುಂದರ ಅಕ್ಷರ ಮೂಡಿಸುವೆ||
ಶಾರದೆ ಎದುರಲಿ ಅಪ್ಪನ ತೊಡೆಯಲಿ
ಬೆರಗುಗಣ್ಣಲಿ ಕುಳಿತಿರುವೆ|
ಅಪ್ಪನ ಕೈಯನು ಹಿಡಿದು ಕೊಂಡು
ಓಂಕಾರವನು ತಿದ್ದಿರುವೆ||
ಅ ಆ ಇ ಈ ಎ ಬಿ ಸಿ ಡಿ
ಬರೆಯಲು ನಾನು ಕಲಿತಿರುವೆ|
ಆನೆ ಸೇಬು ಚೆಂಡು ಛತ್ರಿ
ಬಿಡಿಸುವ ರೀತಿ ತಿಳಿದಿರುವೆ||
ಬಳಪದಿ ಅಕ್ಷರ ಮೂಡಲು ಸ್ಲೇಟು
ನೋಡಲು ಅದೆಷ್ಟು ಸುಂದರವೆ|
ತಪ್ಪನು ತಿದ್ದಿ ಬರೆಯಲು ಮತ್ತೆ
ಉತ್ತಮ ಸಾಧನ ಅಲ್ಲವೆ??
——————————–
– ಅರುಣ ರಾವ್
About The Author
