ಕಾವ್ಯ ಸಂಗಾತಿ
ವಿಶ್ವನಾಥ ಗೌಡ
ಮಾನವ ಜಾಗೃತನಾಗು
ಏ ಮಾನವ ಜಾಗೃತನಾಗು
ಉಳಿಸಬೇಕು ಜಗವಾ !!ಪ!!
ಈ ದುಷ್ಟ ವ್ಯಸನಗಳ
ದೂರ ಮಾಡಲು ಮಾಡಬೇಕು ಮನವ!!ಅ ಪ!!
ದುಷ್ಟ ಚಟಗಳ ಅಟ್ಟಹಾಸಕೆ ಮನವ ನೂಕಬೇಡ
ಮಾನ ಮೂರಾಬಟ್ಟೆ ಮಾಡಿ ಜಗದಿ ತಿರುಗಬೇಡ
ಹಣವು ಒಂದೆ ಗುರಿಯು ಎಂದು ಹಿಂದೆ ಹೋಗಬೇಡ
ಬಂದ ದಾರಿಯ ಒಮ್ಮೆ ತಿರುಗಿನೋಡು
ಮರೆತು ಮರೆಯಬೇಡ.||೧||
ಏ ಮಾನವ ಜಾಗೃತನಾಗು
ಉಳಿಸಬೇಕು ಜಗವ
ಮೋಜು ಮಸ್ತಿಯ ಪಾಶಕೆ ಸಿಲುಕಿ
ಅಡ್ಡ ದಾರಿ ತುಳಿಯಬೇಡ
ಜಾಣತನವ ತೋರಲು ಹೋಗಿ
ಅಜ್ಞಾನಿಯಾಗಬೇಡ
ಅಮಾಯಕರ ಬೀದಿಗೆಳೆದು ನಗುತಾ ನೋಡಬೇಡ
ಅವರ ಕನಸುಗಳು ಚೂರು ಮಾಡಬೇಡ !!೨!!
ಏ ಮಾನವ ಜಾಗೃತನಾಗು
ಉಳಿಸಬೇಕು ಜಗವ
ಎಲ್ಲಕು ಮಿಗಿಲು ಈ ಮಾನವ ಜನ್ಮ ಅದನು ಹಾಳು ಮಾಡಬೇಡ ಮಾನವೀಯತೆಯ ಮರೆತು ನೀನು
ಅವರು ಇವರನು ಪಾಶಕೆ ಸೆಳೆಯದೆ
ಉಳಿಸಿ ನಮ್ಮ ಜಗವ
ಮಾಡಿ ಮಾದಕ ವ್ಯಸನ ಮುಕ್ತ ಜಗವ !!೩!!
ಏ ಮಾನವ ಜಾಗೃತನಾಗು
ಉಳಿಸಬೇಕು ಜಗವಾ !!ಪ!!
ಈ ದುಷ್ಟ ವ್ಯಸನಗಳ
ದೂರ ಮಾಡಲು ಮಾಡಬೇಕು ಮನವ!!ಅ ಪ!!
About The Author
ಎಚ್ಚರಿಕೆಯ ನುಡಿ ಏ ಕವನ ಉಳಿಸು ಜಗವ ತುಂಬಾ ಚೆನ್ನಾಗಿದೆ.”. ಯಾರನ್ನು ಪ್ರೀತಿಸಲು ಮನದಲ್ಲಿ ಏನೊಂದು ಬಾಳಿಸನುಜಗದಲ್ಲಿ”ರಾಜಕುಮಾರ ಅವರ ಹಾಡಿದೆಯಲ್ಲ