ಕಾವ್ಯ ಸಂಗಾತಿ
ಲಲಿತಾ ಕ್ಯಾಸನ್ನವರ
ಕಿರುನೋಟ
ಮುಸ್ಸಂಜೆಯ ಹೊತ್ತಲ್ಲಿ ನಿನ್ನ ಪ್ರೀತಿ
ನಿನ್ನ ಒಂದು ಕಿರು ನೋಟ ಭಾವಲಹರಿ
ಸದ್ದು ಮಾಡದೆ ಗೆದ್ದು ಬಿಟ್ಟಿತು ನನ್ನ ಹ್ರದಯ
ಏನು ಗೊತ್ತಾಗದೆ ಕಚಗುಳಿ ಇಟ್ಟಂತೆ ಭಾಸವಾಗಿದೆ
ಮುಡಿದ ಮಲ್ಲಿಗೆಯು ಮಾತು ಕೇಳದಾಯಿತು
ತುಟಿಗೆ ಹಚ್ಚಿದ ಬಣ್ಣ ತಂತಾನೆ ಕೆಂಪಾಯಿತು
ಕಣ್ಣಿನ ಕಪ್ಪು ನಿನ್ನದೇ ಧ್ಯಾನದಲ್ಲಿ ಮಂಪಾಯಿತು
ನನ್ನೀನಿಯ ನಿನ್ನ ಕಿರುನೋಟದಿಕಣ್ಣಂಚು ತಂಪಾಯಿತು
ನಿನ್ನ ಒಂದು ಸ್ಪರ್ಶ ಸಾಕು ಜೀವನಕೆ
ನಿನ್ನಯ ಮುಗುಳ್ನಗೆ ನನಗೆ ಸಾರ್ಥಕತೆ
ಬದುಕಿನ ಯಾನದಲ್ಲಿ ಮುನ್ನುಡಿಯು ನೀ ತಾನೇ
ಬದುಕೆಂಬ ತೀರದಲಿ ಹಿನ್ನುಡಿಯು ನೀನೇ
ಅರೆದೆರದ ಬಾಗಿಲುಗಳನ್ನು ತೆರೆದು ಬಿಡಿ
ನನ್ನೋಲವ ನೀವು ಹಂಚಿಕೊಂಡು ಬಿಡಿ
ನಾಚಿಕೆ ಪರದೆ ಕಿತ್ತೋಗೆದು ಬಂದೆಬಿಡುವೆ
ನಿಮ್ಮ ತೋಳ್ ತೆಕ್ಕಯಲಿ ನನ್ನ ನಾ ಮರೆತುಬಿಡುವೆ
About The Author
