ಕಾವ್ಯ ಸಂಗಾತಿ
ಡಾ ಶಶಿಕಾಂತ ಪಟ್ಟಣ ರಾಮದುರ್ಗ
ನೆನಪಾಗಲಿಲ್ಲ
ನೆನಪಾಗಲಿಲ್ಲ
ಹಳಕಟ್ಟಿ ಫಕೀರಪ್ಪನವರೇ
ನಮಗಂದು
ನೀವು ತೊಟ್ಟ ಹರುಕು ದೋತುರ
ತೂತು ಬಿದ್ದ ಅಂಗಿ ಕೋಟು
ಮಾಸಿದ ರುಮಾಲು
ಮನೆ ಮಾರಿ
ಹಾಕಿದಿರಿ ಮುದ್ರಣಾಲಯ
ವಚನಗಳ ತಾಡೋಲೆಗೆ
ಕಸಿದುಕೊಂಡರು ನಿಮ್ಮಿಂದ
ಉಂಗುರ ಚೈನು ವಾಚು
ಹಾಕಿರಲಿಲ್ಲ ನೀವು
ಒಡೆದ ಕನ್ನಡಕದ ಕಾಚು
ಬಸವಣ್ಣ ಶರಣರ ದಿವ್ಯ ಸಂಕಲನ
ಕಣ್ಣ ಮುಂದೆ ಸರದಿ ಮಕ್ಕಳ ಸಾವು
ಜೋಲಿ ಹೋಗದಿರಲೊಂದು
ಹಳೆಯ ಬೈಸಿಕಲ್ಲು
ಉಂಡರೆ ಹಬ್ಬ
ಇಲ್ಲದಿರೆ ಉಪವಾಸ
ಮಡದಿ ದೂರಾದಳು
ಹಸಿವು ಬಡತನದ ಗೋಳು
ಕಟ್ಟಿದಿರಿ ವಚನ ಗುಮ್ಮಟ
ಬದುಕು ಏಳು ಬೀಳು
ನಿಮ್ಮ ಹೆಸರಿನಲ್ಲಿ
ಶಾಲೆ ಕಾಲೇಜು ಬ್ಯಾಂಕು
ಈಗ ಎಲ್ಲವೂ ನಡೆದಿವೆ
ಪ್ರತಿ ಕಾರ್ಯಕ್ರಮ ಭಾಷಣದಲ್ಲಿ
ನಿಮ್ಮ ಗುಣಗಾನ
ಅಂದು ನೀವು ಬಳಲಿ ಬೆಂಡಾದಾಗ
ಸಂಕಷ್ಟದಿ ಒದ್ದಾಡಿದಾಗ
ನಮಗೆ ನೆನಪಾಗಲಿಲ್ಲ
ಇಂದು ನಿಮ್ಮ ಗೋರಿಗೆ ಪುಷ್ಪನಮನ
About The Author
Excellent heart touching poem
Nice
ಸತ್ಯದ ಅನಾವರಣ
ಸತ್ಯದ ಅನಾವರಣ
ಮನ ಕಲಕುವ ಸಾಲುಗಳು …ಎಷ್ಟೋ ಜನ ಸಾಧಕರು ಬದುಕಿದ್ದಾಗಿನ ಅವರ ಕಷ್ಟ ನಮಗೆ ಕಾಣುವುದಿಲ್ಲ ..ಕಂಡರೂ ನಾವು ಅಂತವರಿಗೆ ಸಹಾಯ ಮಾಡುವ ಮನಸ್ಥಿತಿ ಇರಿವುದಿಲ್ಲ ಅವರು ಅಗಲಿದ ಮೇಲೆ ಕಾಡುವ ನೆನಪುಗಳ ಪರಿ ಬಹಳ ಖೇದದಾಯಕ….ಗೋರಿಗೆ ಹೂವಿನ ಶೃಂಗಾರ ಮಾಡುವ ಬದಲು ಅವರು ಬದುಕಲು ಏನು ಬೇಕೋ ಮಾಡಿದರೆ ಅದು ಮಾನವಧರ್ಮ…
ಸರ್ ಶಶಿಕಾಂತ್ ಪಟ್ಟಣ ರವರಿಗೆ ನಿಮ್ಮ ಮನ ಕಲಕುವ ಕವಿತೆಗೆ ಹೃದಯ ಪೂರ್ವಕ ಧನ್ಯವಾದಗಳು. ಸಾಧಕರ ನೆನಪು ಎಲ್ಲರ ಮನದಲ್ಲಿ ಚಿರಸ್ಥಾಯಿ ಉಳಿಯಲಿ ಎಂಬುದೆ ನಮ್ಮ ಆಶೆ. ಶರಣ ಹಲಕಟ್ಟೆ ಫಕೀರಪ್ಪ ನವರ ಸ್ಮರಣೆಗೆ ತುಂಬಾ ಧನ್ಯವಾದಗಳು.