ಕಾವ್ಯಸಂಗಾತಿ
ಪ್ರೊ ರಾಜನಂದಾ ಘಾರ್ಗಿ
ಭಾವ ತರಂಗ
ಅಂತರಂಗದ ಅಲೆಗಳಲ್ಲಿ
ತೇಲುತಿವೆ ಮೃದು ಭಾವಗಳು
ಬೆಚ್ಚಗೇ ತುಡಿಯುತಿವೆ
ಕಾಯುತಿವೆ ದಡ ಸೇರಲು
ಕಣ್ಣಂಚಿನ ಕನಸುಗಳಿಗೆ
ಅರಳಿ ನನಸಾಗುವ ಕಾತುರ
ತುಟಿಯಂಚಿನ ಮುಗುಳುನಗೆ
ಪಡುತಿದೆ ನಿನಗಾಗಿ ಸಾದರ
ಮಾತುಗಳು ಹೂತು ಹೋಗಿವೆ
ಒಡಳಾಳದ ತೊಳಲಾಟದಲಿ
ಎದೆಯ ತಮ್ಮಟ ಬಾರಿಸುತಿದೆ
ನಿರೀಕ್ಷೆಗಳ ಹೊಯ್ದಾಟಗಳಲಿ
ಸಪ್ತ ಸ್ವರಗಳು ನುಡಿಯುತಲಿವೆ
ಮನದಲಿ ಯುಗಳಗೀತೆ ಹಾಡುತ
ಎಬ್ಬಿಸುತಲಿವೆ ಭಾವ ತರಂಗಗಳ
ನೀ ಬರುವ ದಾರಿಯಲಿ ಕಾಯುತ
About The Author
Leave a Reply