ಕಾವ್ಯ ಸಂಗಾತಿ
ಡಾ.ರೇಣುಕಾತಾಯಿ.ಸಂತಬಾ
ಗಜಲ್
ದಾಂಪತ್ಯ ರಾಗದ ಹಾಡಿರಲಿ ಯುಗಳ ಜೀವನದಲಿ
ಹೂವಿನ ಹಾಸಿಗೆಯಂತಿರಲಿ ಜಗಳ ಜೀವನದಲಿ//
ಸುಖ-ದುಃಖಗಳು ಸಮ-ಬೆಸದಲಿ ಬೆರೆತು ಹೋಗಲಿ
ಮುನಿಸಿನಲಿಯೂ ಬಾರದಿರಲಿ ಬೈಗುಳ ಜೀವನದಲಿ //
ಅನುದಿನದ ಭೋಜನವಿರಲಿ ಬಾಳಿನ ಕೂಟದಲಿ
ಒಲವಿನ ಒಲೆಗೆ ಬೀಳದಿರಲಿ ಚಗಳ ಜೀವನದಲಿ//
ಬದುಕು ಭಾರವಾಗದೆ ಹೂವಂತೆ ಹಗುರವಾಗಲಿ
ಭಾವಬಂಧನ ಹೊಳೆಯುತಿರಲಿ ಹವಳ ಜೀವನದಲಿ//
ಮಮತೆಯ ಮಡಿಲಿದ್ದರೆ ಅದುವೆ ಸ್ವರ್ಗ
ತಾಯಿ ಹಾಡುತಿರಲಿ ಜೋಗುಳ ಜೀವನದಲಿ//
About The Author
