ಮೋಹನ್ ಬಸಪ್ಪನಾಯಕ ಕವಿತೆ ಹೆಣ್ಣಿನ ಅಳಲು….! - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಹೆಣ್ಣಿನ ಅಳಲು….!

ಮೋಹನ್ ಬಸಪ್ಪನಾಯಕ

ಕಾಡುವ ಮೃಗಗಳ ಬಾಯಿಗೆ
ಸಿಕ್ಕದೆ ಪಾರಾಗುವ ಅವಸರದಲ್ಲೇ ಎಲ್ಲ ಇಷ್ಟ, ಬಯಕೆಗಳು ಅಳಿದು ಹೋಗಿವೆ…,
ಉದುರಿ ಹೋದ ಎಷ್ಟೋ
ಕಣ್ಣ ಹನಿ ಕೆನೆಗಟ್ಟಿ
ಒಡಲ ಉರಿಗೆ ಸಾಕ್ಷಿಯಾಗಿದೆ…,

ಕಾಂಚಾಣದ ಹಮ್ಮಿನಲಿ
ಕನಿಕರವ ತೂರಿ ಕುದಿಯುವ
ಕಾಯದ ಆಸೆ ತೀರಿಸಲು
ಎಳೆದಾಡಿ ಮಾಂಸದ ತುಂಡಿನಂತೆ
ತಿಳಿದು ಹೊಸಕಿ ಹಾಕಲು
ನಿಂತಿರುವ ರಕ್ಕಸರ
ಅಟ್ಟಹಾಸಕೆ ಹೆದರುತಲೇ
ಹೆಣ್ಣಿನ ಆಯಸ್ಸು ಕಳೆದಿದೆ….,