ವ್ಯಾಲಂಟೈನ್ ವಿಶೇಷ
ಸವಿತಾ ಮುದ್ಗಲ್
ಮಿಡಿದ ಜೀವ ಮೂಡಿದ ಭಾವ
ಮಿಡಿದ ಜೀವಕೆ ಮೂಡಿದೆ ಭಾವನೆಯು
ಮೆಲ್ಲನೆ ಸದ್ದಿಲ್ಲದೇ ಪ್ರೀತಿಯು ಮೂಡಿರಲು
ರಂಗೇರಿದೆ ದಿನದಿನವು ಕೆಂಪಾದ ಮೊಗ್ಗಿನಂತೆ
ಸಿದ್ದವಾಗಿದೆ ಅರಳಿದ ಸುಮದ ಸುವಾಸನೆಯಂತೆ||
ಕಡಲಲ್ಲಿ ಇಂದೇಕೋ ಆವರಿಸಿದ ಸುಳಿಗಾಳಿಗೆ
ಸಂಜೆಯಾಗುತ್ತಲೇ ಚಂದಿರನ ಬೆಳದಿಂಗಳಿಗೆ
ಅಲೆಗಳ ಹೊಯ್ದಾಡಲು ಪುಟಿದೇಳಿ ಕರಿದಿವೆ
ಪ್ರೇಮದ ಸಂಜೆಯಲಿ ನಿನ್ನಾಗಮನದ ಸುದ್ದಿಗೆ||
ಬಳಿಯಿರಲು ನೀನಿಂದು ಕೈಹಿಡಿದು ದಡದಲ್ಲಿ
ಅನುಕ್ಷಣವು ಒಲುಮೆಯ ಪಾಠವಿಂದು ಹೃದಯದಲ್ಲಿ
ಮನೆಮಾಡಿದೆ ನಮ್ಮಿಬ್ಬರ ಮನಸ್ಸಿನಾ ಆಳದಲ್ಲಿ
ರುಜುಹಾಕಿ ನಡೆದಂತೆ ಪ್ರೀತಿಯ ಬಾಳಿನಲ್ಲಿ ||
About The Author
