ಆಸೀಫಾ-ಗಜಲ್ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಆಸೀಫಾ-

ಗಜಲ್

ಎನ್ನೊಡಲ ಉಚ್ವಾಸ ನಿಶ್ವಾಸಗಳೇ ನಿನ್ನಿರುವಿಕೆಗೆ ಸಾಕ್ಷಿ
ಅಗೋಚರ ಅಗಮ್ಯ ಶಾಂತ ಮೌನವೇ ಅಪ್ಪುಗೆಗೆ ಸಾಕ್ಷಿ

ತನುವಿನೊಳಗೆ ನೆಲೆಯಾದ ನಿಸ್ವಾರ್ಥದ ಸ್ವಾರ್ಥ ನೀನು
ತೊಡರಿಲ್ಲದ ಹೆಜ್ಜೆಗಳ ಅನುಬಂಧ ಸೋಗಿಲ್ಲದ ಕನಸಿಗೆ ಸಾಕ್ಷಿ

ಅಧರಪಾನದ ಮತ್ತಿಗೆ ಅತಿಶಯದಿ ಕಾತರಿಸಿ ಕಾದಿರುವೆನು
ಚಿತ್ತದಲಿ ಬಿತ್ತರಗೊಂಡ ಚಿತ್ತಾರಗಳೇ ಬಯಕೆಗಳಿಗೆ ಸಾಕ್ಷಿ

ಹೂಬನದಲಿ ಹಾಡುವ ದುಂಬಿಗಳ ಮಾಧುರ್ಯವೇ ಮಧುರ
ಬಿರಿದ ಪಕಳೆಗಳೇ ಬಡಿತದಲ್ಲಿ ತಳವೂರಿದ ಒಲವಿಗೆ ಸಾಕ್ಷಿ

ಭಾವಗಳು ಜೇನಹನಿಸಿ ಜೋಕಾಲಿಯಾಡುತಿವೆಯಲ್ಲ ಆಸೀ
ನಗುವ ಕಾರಂಜಿ ಚಿಮ್ಮಿಅರಳಿದ ಮೊಗವೇ ನನ್ನ ಪ್ರೀತಿಗೆ ಸಾಕ್ಷಿ