ಕಾವ್ಯ ಸಂಗಾತಿ
ಪ್ರೇಮ ಪ್ರಕಾಶ
ಡಾ. ನಾಗರತ್ನ ಅಶೋಕ ಭಾವಿಕಟ್ಟಿ
ಇದು ನಿನಗೆ ಧರ್ಮವೇ
ತಿರೆಯಲುತ್ತಮನೆನಿಸಿ ತಾಮಸ ತೊಲಗಿಸಿ
ಪಾವನ ಪರಂಜ್ಯೋತಿ ಬೆಳಗಿಸುವ
ಎನ್ನಾತ್ಮದ ಪ್ರೇಮ ಪ್ರಕಾಶನೇ
ನೂರು ನೋವನು ಸಹಿಸಿ
ಮುಳುಗಿಹೆನು ಬಾಳ ಹಳವಂಡದಲಿ
ಕರೆದಿರುವೆ ಕರಪಿಡಿದು ಮೇಲೆತ್ತು
ಋಣಿಯಾಗುವೆ ಉಸಿರ ಪ್ರಬೋಧನೆ
ಧನ್ಯನಾ ಪಡೆದ ಒಲವಿಗೆ
ಗೆಲುವಿನ ನಗುನೀಡಿ ಉದ್ಧರಿಸು
ಕನಿಕರಿಸು ಕೈಮುಗಿವೆ ಕರುಣಿಯಲಿ
ಎನ್ನೊಡಲ ಪ್ರಾಣ ಪ್ರಭುವೇ
ಕನಸಿನ ಲೋಕವನು ಬಿಡಿಸಿ
ಕಣ್ಣೆದುರು ದರುಶನ ನೀಡಿ
ಉದ್ಧರಿಸಿ ಉಳಿಸು ಉಪಚರಿಸಿ
ಇಹಪರ ತ್ರಿಲೋಕ ಪ್ರಚಂಡನೆ
ನನ್ನರಿಕೆಯ ಪೂರೈಸಿ ಪೊರೆಯೋ
ಶರಧಿ ಸುರರತ್ನ ವಲ್ಲಭನೆ
ಸದಾಶಿವನ ಒಲುಮೆಯ ಪಡೆದೆ
ಒಲಿಯದಾದೆಯ ಎನಗೆ ಪ್ರಾಣಪದಕನೆ
About The Author
