ಕಾವ್ಯ ಸಂಗಾತಿ
ನಮಗಿದುವೇ ಹೊಸ ಸವಂತ್ಸರ
ಸುಲೋಚನಾ ಮಾಲಿಪಾಟೀಲ
ನಿಲ್ಲದ ಸಮಯ ಮನುಜನಿಗದೋ ಅಭಯ
ಜಗವಿದು ಸಂಚಾರಿ ಸಾಗುತಿಹುದು ನಿರ್ಭಯ
ಸ್ನೇಹ ಸಂಬಂಧಗಳಲಿ ಚಿಗುರಲಿ ಹೊಸ ಅಲೆಯ
ಹೊಸ ಪರ್ವದಲಿ ನಾವು ಕಾಣುವೆವು ಅಕ್ಷಯ
ನಾವುಗಳು ನಮಗಾಗಿ ಹಾಕಿಕೊಂಡ ಲೆಕ್ಕಣಿಕೆಯ
ಹಾಕಿಕೊಂಡ ಸಮಯ ಸಂದರ್ಭದ ಗಣನೆಯ
ಆಚರಣೆಗೆ ಸಿದ್ಧವಾದ ಜನಮನಗಳ ಲಾಂಛನೆಯ
ತೊರುವ ವಿವಿಧ ಭಾವಭಂಗಿಯ ಶುಭಕಲ್ಪನೆಯ
ಪ್ರಕೃತಿಯಲಿ ಪ್ರತಿದಿನವು ಬದಲಾಗುವ ಹೊಸತನವು
ಮನಗಣನೆಯ ಪ್ರವೃತ್ತಿಗೆ ಪ್ರತಿಕೂಲದ ಶುಭಕಾಲವು
ಸೂರ್ಯೋದಯ ಚಂದ್ರೋದಯದ ಸದಾಕಾಲವು
ವಿವೇಕತೆಯಲಿ ವ್ಯವಹರಿಸುವ ಕ್ಷಣದ ಶುಭಫಲವು
ಅರಿವಳಿಕೆಯ ಪಯಣ ಶುಭದಿಕ್ಸೂಚಿಯ ಕಿರಣ
ದುರಾಚಾರ ದುರ್ನಡತೆಯ ದುರ್ಗತಿಗೆ ಆವ್ಹಾನ
ಸಜ್ಜನರ ಸಂಗದಲಿ ಸವಿದ ಸಜ್ಜನತೆಯ ಸವಿಜೇನ
ಪಾಶ್ಚಿಮಾತ್ಯದ ನಡೆನುಡಿಗೆ ಹಾಕೋಣ ಕಡಿವಾಣ
ನಮ್ಮದೆಯಾದ ಸ್ಪಚ್ಛ ಶುಭ್ರತೆಯ ಶುಭಸಂವತ್ಸರ
ಶೋಭಾಯಮಾನದ ಭವ್ಯತೆಯ ಸೂಚಿಸುವ ಮರ
ಸಮೃದ್ಧವಾಗಿ ಬೆಳೆದ ಸಂಸ್ಕೃತಿಗೆ ಬೆಲೆ ನೀಡುವ ಧರ
ಅದುವೇ ಪ್ರತೀತಿ ಉಡುಗರೆಯ ಹೊಸ ಸವಂತ್ಸರ
About The Author
