ಕಾವ್ಯಸಂಗಾತಿ
ಶಿಶುಗೀತೆ
ಮರಳ ಕು( ಕೂ)ಸುರಿ
ಈರಪ್ಪ ಬಿಜಲಿ ಕೊಪ್ಪಳ
ಓಡಿ ಬಾರೋ ನನ್ನ ಸೇರು
ಮುದ್ದುಕಂದನೆ
ಕಡಲ ತಡಿಯ ಸಂಜೆ ಸಮಯ
ಚಂದ ಕಂದನೆ ||
ಮರಳ ರಾಶಿ ಆಟಕೆ ಖುಷಿ
ಕೇಳೊ ಕಂದನೆ
ಮರಳಿನಲ್ಲಿ ಮಾಡ್ದ ಚಿತ್ರ
ನೋಡೊ ಕಂದನೆ ||
ಮರಳಿನಲ್ಲಿ ಚಿತ್ರ ಬಿಡಿಸಿದ
ಕೈಗೆ ವಂದನೆ
ಕಲೆಗೆ ಬೆಲೆಯು ಕಟ್ಟಲಸಾಧ್ಯ
ಅರಿಯೊ ಕಂದನೆ ||
ಮರಳ ಹಸ್ತದಲ್ಲಿ ನಗುವ
ಪುಟ್ಟ ಕಂದವು
ಬಹಳ ಸೊಗಸು ಅರಳಿತು ಮನಸು
ನೋಡಿ ಚಿತ್ರವು||
ನಂಗು ಮರಳಲಿ ಗೊಂಬೆ ಬಿಡಸೊ
ಆಸೆ ಮಾಮನೆ
ಗುಂಗು ಹಿಡಿಸಿತು ಮರಳ ಕುಸುರಿಯು
ಕೇಳೊ ಮಾವನೆ ||
About The Author
