ಕಾವ್ಯ ಸಂಗಾತಿ
ಹುಡುಕಾಟದ ಪದ್ಯ
ಅರುಣಾ ನರೇಂದ್ರ
ನಿನ್ನ ನೆನಪಿನಲ್ಲೇ
ಕಳೆದು ಹೋಗುತ್ತೇನೆ
ಸಾಗರವ ಸೇರಿದ
ಹನಿಯಂತೆ
ನಿನ್ನೊಳಗೆ
ಒಂದಾಗಿ ಬಿಡುತ್ತೇನೆ
ಅದೆಷ್ಟೋ ಪ್ರೇಮಿಗಳು
ಪ್ರೇಮ ರಾಗ ಹಾಡುತ್ತಾರೆ
ನನ್ನ ಧ್ವನಿ ನಿನಗೆ ಸುಮಧುರವಾಗಿ
ಕೇಳಿಸಿತು ದೊರೆಯೆ
ಧನ್ಯಳಾದೆ !
ನೀ ನನ್ನ ಹಿಂದೆ ಹಿಂದೆ ಬಂದು
ಅರುಣಾ ಎಂದು ಕರೆದು ಬಿಡು
ಮನಸೀಗ ಬಿಳಿ ಅರಳೆಯಂತೆ
ಪರಿಶುದ್ಧವಾಗಿದೆ ಪ್ರಭುವೆ…!
ನೀನಿರಲು ಅರಮನೆ ಅಂತಸ್ತುಗಳು
ನನಗೇಕೆ ಬೇಕು ದೊರೆಯೆ
ನನ್ನೆಡೆಗೊಮ್ಮೆ ದೃಷ್ಟಿ ಹಾಯಿಸಿ ಬಿಡು
ನನಗೆಷ್ಟೇ ಸಾಕು ದೊರೆಯೆ..!
About The Author
