ಕಾವ್ಯ ಸಂಗಾತಿ
ಗಜಲ್
ಮಾಜಾನ್ ಮಸ್ಕಿ
ಬರುವಿಗಾಗಿ ಕಾಯುವುದರಲ್ಲಿ ಅರ್ಥವಿಲ್ಲ
ನನ್ನವರೆಂದು ನಂಬುವುದರಲ್ಲಿ ಸುಖವಿಲ್ಲ
ಸ್ಪಷ್ಟತೆ ಇಲ್ಲದ ನಿಲುವಿಗೆ ಹುಡುಕುತ್ತಿರುವೆ ಏಕೆ
ಮನದಲ್ಲಿ ಮೋಸವೆ ತುಂಬಿರುವುದರಲ್ಲಿ ಸತ್ಯವಿಲ್ಲ
ಕೆಸರಿನ ಮೇಲೆಯು ಸೂರ್ಯನು ಕಿರಣಗಳನ್ನು ಚೆಲ್ಲುವನು
ನಿನ್ನಂತೆ ನೀನಾಗಿರುವ ಇಚ್ಛಾ ಶಕ್ತಿಇರುವುದರಲ್ಲಿ ವ್ಯರ್ಥವಿಲ್ಲ
ಸಿಂಹನಂತಿರು ಸಿಂಹಾಸನದ ಆಸೆ ಎಂದೂ ಬಯಸದೆ
ನೋವು ಕೊಟ್ಟವರನ್ನು ನಿರ್ಲಕ್ಷಿಸಿ ಬಾಳುವುದರಲ್ಲಿ ಭಯವಿಲ್ಲ
ಇನ್ನೊಬ್ಬರನ್ನು ಅವಲಂಬಿಸಿಯೇ ಇರಬೇಕೇನು “ಮಾಜಾ”
ನಿನ್ನ ಅವಶ್ಯಕತೆಯನ್ನು ಮಾತ್ರ ಬಯಸುವುದರಲ್ಲಿ ಒಲವಿಲ್ಲ
About The Author
