ಕಾವ್ಯ ಸಂಗಾತಿ
ಗಜಲ್
ಅಶೋಕ ಬಾಬು ಟೇಕಲ್
ಬುವಿಯಂಥ ದಯಾಮಯಿ ಮನದವಳು ನನ್ನರಸಿ
ಬೆಳ್ಮುಗಿಲ ಅಂಬರದಂಥ ಆಸರೆಯವಳು ನನ್ನರಸಿ
ಒಂದಿನಿತು ಒತ್ತಾಸೆಗಳಿಗೆ ಬೊಗಸೆ ಒಡ್ಡಿ ನಿಂದವಳಲ್ಲ
ಮಂದಾರ ಕೇದಿಗೆ ಪುಷ್ಪದಂಥ ಚೆಲುವೆಯವಳು ನನ್ನರಸಿ
ಜಗವೇ ತನ್ನೆದುರು ಶರಣಾಗುವಂತೆ ಜೊತೆಯಾದವಳು
ಬಾಳ ಹಾದಿಯ ಏರಿಳಿತಗಳಿಗೆ ಎದೆಯೊಡ್ಡಿದವಳು ನನ್ನರಸಿ
ತವರು ತಲೆಯೆತ್ತಿ ನಡೆವಂತೆ ಆರತಿ, ಕೀರ್ತಿ ದೀಪ ಬೆಳಗಿದವಳು
ಚೆಂಗುಲಾಬಿಯಂತೆ ಒಲುಮೆಗೆ ಗರಿಮೆ ಮೂಡಿಸಿದವಳು ನನ್ನರಸಿ
ಹಗಲಿರುಳೆನ್ನದೆ ಪ್ರತಿ ಚಡಪಡಿಕೆಗೂ ಭಾವ ಬೆಸೆದು ಸಲುಹಿದಳು
ಅಬಾಟೇ ಹೃದಯ ಮಂದಿರ ಆರಾಧ್ಯ ದೈವವಾದವಳು ನನ್ನರಸಿ
About The Author
ಚಂದದ ಭಾವಯಾನ
ಮೆಚ್ಚುಗೆಗೆ ಆತ್ಮೀಯ ಧನ್ಯವಾದಗಳು ಮೇಡಂ…