ನೀನಿಲ್ಲದೇ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯಯಾನ

ನೀನಿಲ್ಲದೇ

ಸುಧಾರಾಣಿ ನಾಯ್ಕ

Teary Eye | Eyeball art, Tears art, Eye painting

ಹರಿದ ಕಣ್ಣೀರು
ಕೊರಕಲು ಕೊರದ್ದಿದ್ದರೇ
ಕಣಿವೆಯೇ ಆಗುತ್ತಿದ್ದೆ
ನನ್ನ ಕುರುಹು
ಸಿಗುತ್ತಿರಲಿಲ್ಲ ನಿನಗೆ
ಆಳ ಆಳಕೆ ಸೇರುತ್ತಿದ್ದೆ
ನೀನೇ ತೊರೆದ ಮೇಲೆ
ಜಗದ ಗೊಡವೆ ಬೇಕೇ?

ಮನದ ಮಾತು
ತುಟಿಯಾಡಿದ್ದರೇ
ಸತ್ತ ಮನೆಗಿಂತ
ಮುರಿದ ಮನಸಿನ
ನೋವು
ಕಳೆದುಕೊಳ್ಳಲಾಗದ
ಸೂತಕವೆಂಬುದು
ಅರಿವಾಗುತ್ತಿತ್ತು

ಅಡಿಗಡಿಗೂ ನಿನ್ನಿಚ್ಚೆಯ
ಗೆರೆ ಎಳೆಯದೇ ಪ್ರೀತಿಗೆ
ಪರವಶವಾಗಿದ್ದರೇ
ದಾರಿಯುದ್ದಕೂ
ಮಳ್ಳಿನ ಮಧ್ಯೆ ಗುಲಾಬಿ
ಅರಳದೇ ಪ್ರೀತಿಯ
ಗುಲ್ ಮೊಹರ
ಹಾಸುತ್ತಿತ್ತು
ಕಣ್ಣಿನ ಬದಲು ಕೆನ್ನೆ
ಕೆಂಪಾಗಿಯೇ ಇರುತ್ತಿತ್ತು

**************