ಗಜಲ್
ಪ್ರೊ ರಾಜನಂದಾ ಘಾರ್ಗಿ
ಭಾವ ಪರವಶಳಾದೆ ಅವನ ಸ್ನೇಹದ ಮಡುವಿನಲ್ಲಿ
ಜಗವನೇ ಮರೆತೆ ಮುಳುಗಿ ಅವನ ಮೊಹದ ಕಡಲಲ್ಲಿ
ಏರುತಿವೆ ಭಾವಗಳು ವೇಗದಿ ಉತ್ತುಂಗಕ್ಕೆ
ಹಾರುತಿವೆ ಹಕ್ಕಿಗಳಾಗಿ ಮನದ ಆಗಸದಲ್ಲಿ
ಕಂಪಿಸುತಿವೆ ನರ ನಾಡಿಗಳು ರೊಮಾಂಚನದಿ
ಭಾವ ವೀಣೆ ನುಡಿಸುತಿವೆ ಪ್ರೇಮ ರಾಗದಲ್ಲಿ
ಪಡುವಣ ರವಿ ಕೆಂಪಾಗಿಸಿದ ಕೆನ್ನೆಗಳನ್ನು
ಇನಿಯನ ನೆನಪು ರಂಗು ತುಂಬಿದೆ ಮನದಲ್ಲಿ
ಬಾನಂಚಿನಲ್ಲಿ ಉದಯಿಸಿದ ಪೂರ್ಣ ಚಂದ್ರ
ರಾಜಿಯ ಮನ ತಲ್ಲಣಿಸಿದೆ ಮಿಲನದ ಕನಸಿನಲ್ಲಿ
About The Author
