ಗಜಲ್
ರತ್ನರಾಯಮಲ್ಲ
ಕತ್ತಲೆಯಲ್ಲಿ ಬೆಳಕನ್ನು ಹುಡುಕುವಂತೆ ನಿನ್ನನು ಹುಡುಕುತಿರುವೆ
ಮಗು ತಾಯಿಗಾಗಿ ಹಂಬಲಿಸುವಂತೆ ನಿನಗಾಗಿ ಹಂಬಲಿಸುತಿರುವೆ
ಮಾತುಗಳು ನಾಲಿಗೆಯ ತುದಿಯಲ್ಲಿ ಹೆಪ್ಪುಗಟ್ಟಿವೆ ನೀನು ಇಲ್ಲದೆ
ಶಬ್ಧ ಅರ್ಥವನ್ನು ಹಿಂಬಾಲಿಸುವಂತೆ ನಿನ್ನನು ಹಿಂಬಾಲಿಸುತಿರುವೆ
ನನ್ನ ದಿನಚರಿಗೆ ತುಕ್ಕು ಹಿಡಿದಿದೆ ನಿನ್ನ ಸಾಂಗತ್ಯವಿಲ್ಲದೆ ಸುಕುಮಾರಿ
ನೇಸರನು ಶಶಿಗಾಗಿ ಕನವರಿಸಿದಂತೆ ನಿನಗಾಗಿ ಕನವರಿಸುತಿರುವೆ
ಹೃದಯ ಬಡಿತ ಜಡವಾಗಿದೆ ನಿನ್ನಯ ಆಲಿಂಗನವಿಲ್ಲದೆ ಚಕೋರಿ
ರೋಗಿ ವೈದ್ಯನಿಗಾಗಿ ಪರಿತಪಿಸುವಂತೆ ನಿನಗಾಗಿ ಪರಿತಪಿಸುತಿರುವೆ
‘ಮಲ್ಲಿ’ಯ ಮಲ್ಲಿಗೆಯಂಥ ಮನಸನು ನಿನಗೆ ಪರಿಚಯಿಸಬೇಕೆನು..
ಮೀನು ನೀರಿಗಾಗಿ ಚಡಪಡಿಸುವಂತೆ ನಿನಗಾಗಿ ಚಡಪಡಿಸುತಿರುವೆ
*****************
About The Author
ಸರ್ ಗಜಲ್ ಸೊಗಸಾಗಿದೆ