ಕವಿತೆ
ಹೀಗೊಂದು ಹೋಯ್ದಾಟ
ಶಿವಲೀಲಾ ಹುಣಸಗಿ
ಕಂಗಳ ತುಂಬ ನಿನ್ನ ಪ್ರತಿಬಿಂಬ
ಎದೆಯ ಮಿಡಿತ ಮೀಟಿದಂತೆಲ್ಲ
ತುಟಿಗಳು ಕಂಪಿಸುತಿದೆ ನಿನಗಾಗಿ
ಮನದೊಳೊಂದು ಬೇಗೆ ಕಾಡಿದಂತೆ
ನನಸಾಗುವ ಕನಸಿಗೆ ಹಾತೋರೆದು
ತನುವು ಮೈಮನವು ಬೆವರುತಿದೆ
ನಿನ್ನಪ್ಪುಗೆಯಲಿ ಕರುಗುವಾಸೆಗೆ
ನೀಲಿ ಬಾನಿನಲಿ ಬೆಳಗು ಮೂಡಿದಂತೆ
ತಾರೆಗಳ ಬಿಂಕದಲಿ ಬಳುಕುತಲಿ
ನಿನ್ನ ನೋಟದಾಗ್ನಿಯ ಕಾವಿನಲಿ
ಮೋಡಗಳ ತಂಪಿದ್ದರು ಬೆವರಿರುವೆ
ನಿನ್ನತ್ತವಾಲಿದಂತೆಲ್ಲ ಕಂಪನ ಬೆಗೆ
ನಿನ್ನೆದೆಯೊಳಗೆ ಬಚ್ಚಿಡು ಕಾಣದಂತೆ
ಪ್ರೀತಿಗೊಂದು ಹೊಸ ಭಾಷ್ಯ ಬರೆವೆ
ಎದುರುಗೊಳ್ಳುವ ಧಾವಂತೆದೆಯೊಳಗೆ
ಮುಟ್ಟುಗೊಲಾಗಿಸುವಿಯೆಂದೆ
ಬೆವತಿರುವೆ ಪ್ರತಿ ಕನಸಿನಂಚಲಿ
ಈ ಪ್ರೀತಿಯ ಮೊಗ್ಗು ಬೀರಿದಾಗಿಂದ
ಬಿಟ್ಟಿರಲಾರದ ವಿರಹದ ತಾಪಕೆ
ತತ್ತರಿಸಿರುವೆ ನೆನೆದು ಬಿಕ್ಕುತಲಿ
ತುಟಿಗೊಂದು ಮುದ್ರೆಯಿಟ್ಟು
ತನುವ ಸಂತೈಸುವ ನಿನ್ನ ಬಿಂಬ
ಪರಿತಪಿಸುವ ನನ್ನ ತಣಿಸಬಾರದೆ
ಹೀಗೊಂದು ಕನವರಿಕೆ ನಿನಗಾಗಿ
ಕಾಪಿಡು ಜತನದಿ ಕಳೆದು ಹೋದೆನು
ಮೌನದಲಿ ಪ್ರೀತಿಯ ಮಳೆಸುರಿಸು
ತಾಪವು ಕರಗಲಿ ಮಂಜಿನಂತೆಯೆ
ವಿರಹದ ಹೊಯ್ದಾಟದಲಿ ನಿಂದು…
About The Author
ತುಂಬಾ ಸುಂದರ ಸಾಲುಗಳು ಕಣ್ರೀ…. ಮನಸನ್ನು ಮುಟ್ಟವ ಪ್ರೇಮ ಭಾವ..
ತುಂಬಾ ಅದ್ಬುತ ವಾದ ಸುಂದರವಾದ ಸಾಲುಗಳು
ಸುಂದರ ಕಲ್ಪನೆ..ಇದ್ದರ ಇಂಥವನಿರಬೇಕು ಪ್ರೇಮ ಹಂಚುವಾಂಗ…ಚೆನ್ನಾಗಿದೆ..ಕವಿತೆ
Super duper preetige hagu premise sukthavad kavite nice
ಹೃದಯ ತಟ್ಟುವ ಮನದ ಇನಿದನಿ ಅಭಿನಂದನೆಗಳು ಗೆಳತಿ
Super dupar ma’am ☺ tumba sogasagi mudi bandide