ಭಾವಗೀತೆ

ದೀಪಿಕಾ ಚಾಟೆ

ಕಣ್ಣಂಚಲಿ ನಿನ್ನದೇ ಪ್ರತಿಬಿಂಬ
ಕಾಡುತಿರಲು ವಿರಹದೀ ಬಿಂಬ
ಬಳಿಬಾರದೇ ನಾ ಕಾಯುತಿರುವೆ
ಎಲ್ಲಿಹೇ ಕಾಣದೇ ನಾ ಅಲಿಯುತಿರುವೆ

ಹೂವ ಮೇಲಿನ ಮುತ್ತಂಥ ಇಬ್ಬನಿ
ಅಲುಗಾಡದೇ ಏನೋ ಮುಚ್ಚಿಡುವಂತಿದೆ
ಮೇಘವೊಂದು ಆಕಾಶದಿ ತೇಲುತ
ಸುದ್ದಿಯೊಂದು ನನಗಾಗಿ ತರುವಂತಿದೆ

ಮೇಘಗಳ ಅಂಚಲಿ ತುಂತುರು ಹನಿಯು
ಮಣ್ಣಿನ ಘಮ್ಮನೆ ವಾಸನೆಯು ತರುತಿದೆ
ನಿನ್ನದೇ ನೆನಪಿನ ದೋಣಿಯೊಂದು
ಆಡುತ ಬಿಟ್ಟಿದ್ದು ಅಂಗಳದಿ ನೆನಪಿದೆಯೇ

ಕಾಗದದ ದೋಣಿಯದು ಪಯಣದಿ ಜೊತೆಯಾಗಿ
ಹರುಷದ ಹೊನಲಿನ ಸುರಿಗೆ ನಾ ತೇಲಿಹೋದೆ
ನಿನ್ನ ನೆನಪಿನಂಗಳಕೆ ಮತ್ತೆ ಬಂದು ನಿಂತೆ
ನನ್ನ ನಾನೇ ಮರೆತು ಹೋದೆ ಮರೆತು ಹೋದೆ

******************

About The Author

admin

See author's posts