ಕಾವ್ಯಯಾನ
ಮಳೆ ಬರುವ ಹಾಗಿದೆ
ಶಾಂತಲಾ
ಕರಿ ಮೋಡಗಳು ಒಂದರ
ಹಿಂದೊಂದುತಿಕ್ಕಾಟ ನಡೆಸುತಿದೆ
ಗುಡುಗಿನಾಭ೯ಟವದ
ಚುಚ್ಚಿ ನಡುಗಿಸುತಲಿದೆ
ಮಳೆಬರುವ ಹಾಗಿದೆ
ವಾತ್ಸಲ್ಯದಾ ಮಾತು
ಒಡನಾಟ ಓಡಾಟ
ಮನವ ಸ್ಪರ್ಶಿಸಿ ಕಿವುಚಿ
ಆತಂಕ , ಅಗಲಿಕೆಯು
ಅಂಧತೆಯ ಕೊಡುತಿರಲು
ಹಿಂಡಿ ಮನಸಿನ ಗಾಯ
ಮಳೆ ಬರುವ ಹಾಗಿದೆ
ಬಾಳಿ ನೆರಳಾಗಿ. ಮರವಿಂದು
ಬಿದ್ದು ಬೆಂಕಿಯ ಜ್ವಾಲೆಯಲಿ
ಬೆಂದು ರಕ್ತ ಮಾಂಸಗಳು
ಭಗಭಗನೆ ಉರಿದಿರಲು
ಮಳೆ ಬರುವ ಹಾಗಿದೆ
ನೊಂದು ನೋವಿನ ಉರಿಯು
ಮುಗಿಲು ಮುಟ್ಟಲು ಇಂದು
ಮೈ ಮನವ ನಡುಗಿಸುತ
ಬರಿದಾಗಿಸಿ ಬರಸಿಡಿಯುತ
ಮಳೆ ಸುರಿದೆೇ ಬಿಟ್ಟಿದೆ
*******************
About The Author
