ಗೆಳತಿ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ಗೆಳತಿ

ಪ್ರೊ.ರಾಜನಂದಾ ಘಾರ್ಗಿ

man holding surf board while standing on shore at daytime

ಹಾಗೇ ಒಬ್ಬಳು ಸುಮ್ಮನೇ
ಚಿಕ್ಕ ಪುಟ್ಟ ಗೆಳತಿ
ದಾರಿಯಲಿ ಸಿಕ್ಕವಳು
ನಾಲ್ಕು ಹೆಜ್ಜೆ ನಡೆದವಳು
ಸುಮ್ಮನೇ ಮಾತಿಗೆ ಎಳೆದು
ಮನ ಸೆಳೆದವಳು
ಮಾತಿಗೆ ವೀಷಯವೇನಿಲ್ಲ
ಸಮಯದ ಪರಿವೆಯಿಲ್ಲ
ದಾರಿ ಸರಿದು ಹೋಗಿ
ಕವಲುಗಳೊಡೆದಾಗ
ಕಣ್ಮರೆಯಾದವಳು
ಮನದ ಮೂಲೆಯಲ್ಲಿ
ಮನೆಮಾಡಿದ ಚದುರೆ
ಇರುವಿಕೆಗೆ ಗುರುತಿಲ್ಲ
ಭೇಟಿಯಾಗುವ ಬಯಕೆಯಿಲ್ಲ
ಆದರೂ ಮರಿಚಿಕೆಯಂತೆ
ಕನಸಲಿ ಕಾಡುವಳು
ಕಣ್ಣಿನ ನೀರಾಗುವಳು