ಕವಿತೆ ಎಂದರೆ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ದಿನಕ್ಕೊಂದು ಕವಿತೆ

ರೇಷ್ಮಾ ಕಂದಕೂರ

ಕವಿತೆ ಎಂದರೆ

ಕವಿತೆ ಬರಿ ಕವಿತೆಯಲ್ಲ
ಆಗು ಹೋಗುಗಳ ಭವಿತವ್ಯ
ಒಳ ಹೊರಾಂಗಣದ ಆಟದ ಚೌಕಟ್ಟು
ತಳಮಳ ಬೇಗುದಿಯ ವಿಸ್ತಾರ
ಹಿಂದಿನ ಮುಂದಿನ ಸ್ಥಿತಿ ಅವಲೋಕನ
ವಾಸ್ತವ ಅನುಭವದ ಅನನ್ಯ
ಭಾವನಾ ಲೋಕದ ವಿಹಾರಿಣಿ
ಸೋಲು ಹತಾಶೆಯ ಕೆದುವಿಕೆ
ಮರು ಪೂರಣಕೆ ಕರಂಡಿಕೆ
ಅಕ್ಷರ ರೂಪದ ಹೊದಿಕೆ
ಉಪಮೆ ಅಲಂಕಾರದ ಕುಶಲತೆ
ಒಲುಮೆಯ ಸಾಂಗತ್ಯ
ಬಯಲಲು ಚಿಗುರಿಗೆ ಸಾಧನ
ಕಟು ಸತ್ಯದ ಆಕಾರ
ತಿರುಳುಗಳಲಿ ಅಡಗಿದ ಸವಿ ರಸ
ತಾಳ ಮೇಳದಿ ಝೇಂಕಾರ
ಅಂತಃಕರಣ,ಆಕ್ರೋಶದ ಒಡನಾಟ
ಮನದ ತುಮುಲದ ಹೊಮ್ಮುವಿಕೆ
ಆನಂದ ಅಶೃತರ್ಪಣದ ಜೋಡಿ
ಕಾವ್ಯವೆಂಬ ಕುಸುರಿ
ಆತ್ಮಾನಂದದ ಸಾರಿಣಿ
ಸೂಕ್ಷ್ಮತೆಗಳ ವ್ಯಾಖ್ಯಾನ ರೂಪ
ತಮಂಧಕೆ ಬೆಳಕು ರೇಖೆ
ಅಸಹನೆಗಳ ತೋರ್ಪಡುವಿಕೆ
ತಿದ್ದಲು ಮರುಕುಟುಗ
ನಿಟ್ಟುಸಿರ ಧಾವಂತ
ಅಕ್ಷರ ರೂಪದ ಸಮುಚ್ಚಯ
ಅರಳಿದ ಮೊಗ್ಗು
ಸಮರೋಪಾದಿಯಲಿ ಹರಿದು
ವಿಕಸನದ ನೀತಿ ಪಾಠ
ಬಯಕೆಗಳ ಹಸೆಮಣೆ
ಕಾವ್ಯ ಮನೋಹರಿ.