ಗಜಲ್

ಯಾಕೊಳ್ಳಿ.ಯ.ಮಾ

ನನ್ನೊಳಗಿನ ‌ನಿನ್ನನ್ನು ನಾನು ಹುಡುಕುತ್ತಿದ್ದೇನೆ‌ ಗೆಳತಿ
ನಿನ್ನ ಅಖಂಡ ಪ್ರೀತಿಗೆ ಶರಣಾದವನು‌ ನಾನು ಗೆಳತಿ

ಇದು ಪ್ರಾಮಾಣಿಕರಿಗೆ ಬೆಲೆ ಕೊಡುವ ಲೋಕವಲ್ಲ ಗೆಳತಿ
ಇಲ್ಲಿ ಗಿಲೀಟು ನಾಣ್ಯಗಳೇ ಬಹಳ ಹೊಳೆಯುತ್ತವೆ ಗೆಳತಿ

ಬೆಳಕು ನೀಡುವ ಸೂರ್ಯ ಚಂದ್ರರನ್ನೆ ಸಂಶಯಿ ಸುವಾಗ
ಜೀವನಾಡಿಯಾದ ಹರಿವ ನೀರನ್ನೇ ರಾಡಿಗೊಳಿಸಿದಾಗ ನಾವೆಷ್ಟರವರು ಗೆಳತಿ

ಸಂಶಯದ ಬೇಲಿಯ‌ ಮೇಲೆಯೆ ನಮ್ಮ‌ಪ್ರೇಮದ ಬಳ್ಳಿ ಹೂ ಬಿಡಬೇಕು
ಅರಳಿ ಘಮ‌ಪಸರಿಸುವ ಪಕಳೆಗಳ ಅವರು ಮೂಸಲಿ ಗೆಳತಿ

ಎನಿತೊ ದಿನಗಳಿಂದ ನಡೆದು ಬಂದ ಇತಿಹಾಸವೇ ಹೀಗೆ ಗೆಳತಿ
ನಿಜ ಪ್ರೇಮವೆಂಬುದು ಬೆಂಕಿಯಲ್ಲಿ ಅರಳಿದ ಹೂವಲ್ಲವೇ ಗೆಳತಿ!

ಜಗದ ಕಷ್ಟಗಳನೆತ್ತಿ ನಾವು‌ ಕೊರಗುವದು ಬೇಡ,ಕಷ್ಟ ಗಳಿಲ್ಲದೆ ಬದುಕೆಲ್ಲಿ?
ಸಂಕಟ ಮೋವುಗಳ ಹಣ್ಣ ಮೇಲಿನ ಪಕಳೆ,ಪ್ರೀತಿ ಒಳಗಿನ ಅಮೃತ ಗೆಳತಿ

ನನ್ನ ನಂಬಿಕೆಗೆ ಇಂಬು ಕೊಟ್ಟೇ ಜೊತೆಯಾದವಳು ನೀನು
“ಯಮಾ” ನಿನ್ನ ನವಿರು ಹಾಲಿನಂತಹ ಪ್ರೀತಿಗೆ ಒಲಿದ ವನು ಗೆಳತಿ

***********

About The Author

admin

See author's posts