ಹಾಯ್ಕುಗಳು

ರಂಜಾನ್ ಹೆಬಸೂರು‌

ಹಾಯ್ಕು-೧

ಎದೆ ಬಡಿತದ
ತಾಳ ತಪ್ಪಿದೆ
ಗಡಿಯಾರಕ್ಕೂ ಎದೆ ನೋವು

ಹಾಯ್ಕು-೨

ಒಂದು ಏಕಾಂತ
ನಿನ್ನ ಸಂಧಿಸಬೇಕು
ಕರುಳಿನ ಮಾತಷ್ಟೇ ಹುರಿಗೊಳ್ಳಲಿ

೩

ಮೊಳೆ ತಾಕಿದಾಗ
ಯೇಸು ನೆನಪಾದ
ಈಗ ಬೇರುಗಳೆಲ್ಲವೂ ಶಿಲುಬೆ ಹೊತ್ತಿದ್ದವು

೪

ನಮ್ಮಿಬ್ಬರನು
ಛೇದಿಸಲು ಬಯಸಿದರು
ನಾನು ಅವಳ ಸಮಾನಾರ್ಥಕ ಪದವಷ್ಟೇ..!

೫

ಮಗಳ
ಮಡಿಲ ಮೇಲೆ
ಮತ್ತೆ ಮಗು ನಾನು

೬

ತಲೆಗೇರಿದ ಅಮಲು
ಎದೆಗೂ ಆವರಿಸಿದೆ
ಮತ್ತೆ ಭೇಟಿಯಾಗೋಣ

೭

ಬಳಲುತ್ತಿದೆ ಜಗ
ರೋಗವೊಂದು ಉಲ್ಬಣಗೊಂಡು
ಸೀಸೆಯಲಿ ಪ್ರೇಮದೌಷದ ತಳ ಕಂಡಿದೆ

೮

ಗಾಂಧಿ ಈಗ
ಕೋಲು…ಕನ್ನಡಕ
ಅಪ್ಪನ ಖಾದಿ ಅಂಗಿ

೯

ಈ ಸಂಜೆ
ಸಾವಿರ ಬಣ್ಣ ತುಂಬಿದೆ
ಸಾವಿನ ಚಿನ್ಹೆ ಕಾಣದಂತಿತ್ತು

೧೦

ಸರಿ ರಾತ್ರಿಯಲಿ
ಹೀಗೆ ನೆನಪಾಗಬಾರದಿತ್ತು
ಬೆಳದಿಂಗಳು ಕಡಲಂತೆ ಉಕ್ಕುತ್ತಿದೆ

***************************

About The Author