ʼನನ್ನವ್ವ ದೊಡ್ಡವ್ವʼಅಖಿಲ ಭಾರತಕನ್ನಡಸಾಹಿತ್ಯಸಮ್ಮೇಳನದಮೊದಲ ಮಹಿಳಾಅದ್ಯಕ್ಷರಾಗಿದ್ದ ಜಯದೇವಿ ತಾಯಿ ಲಿಗಾಡೆಯವರಮೊಮ್ಮಗಳು ಸವಿತಾದೇಶಮುಖ ತಮ್ಮ ಅಜ್ಜಿಯ ಜನ್ಮದಿನಕ್ಕೆ ಬರೆದಕವಿತೆ

ಕಾವ್ಯ ಸಂಗಾತಿ

ʼನನ್ನವ್ವ ದೊಡ್ಡವ್ವʼ

ಅಖಿಲ ಭಾರತಕನ್ನಡಸಾಹಿತ್ಯಸಮ್ಮೇಳನದಮೊದಲ ಮಹಿಳಾಅದ್ಯಕ್ಷರಾಗಿದ್ದ ಜಯದೇವಿ ತಾಯಿ ಲಿಗಾಡೆಯವರಮೊಮ್ಮಗಳು ಸವಿತಾದೇಶಮುಖ ತಮ್ಮ ಅಜ್ಜಿಯ ಜನ್ಮದಿನಕ್ಕೆ ಬರೆದಕವಿತೆ

ಜಯದೇವಿತಾಯಿ ನನ್ನವ್ವ- ದೊಡ್ಡವ್ವ

ಸಿದ್ದನವಸುಧೆಲಿ ಸ್ಪರಿಸಿ,ಗಡಿನಾಡ ಮಗಳಾಗಿ
ಕರುನಾಡ ಸೊಸೆಯಾಗಿ ಕನ್ನಡಿಗರತಾಯಾಗಿ
ಸದಾಚಾರದ ಖಣಿ ಭಕ್ತಿರಸ ಸಾದ್ವಿಮಣಿ

ಸಮತೆಯ ಹಾಲಿನಲಿ ಮಮತೆಯ ಸಕ್ಕರೆ ಹೊನಲಿನಲಿ 

ದೊಡ್ಡ ಸಂಸಾರ ಸಾಮರಸ್ಯ
ಸಾದಿಸಿದಿ – ನೀ ನನ್ನವ್ವ ದೊಡ್ಡವ್ವ….

 ರಾಗಭೋಗ ಆಚೆ ನಿಂದೆ ಧವಲ ವಸ್ತ್ರವ
ರುದ್ರಾಕ್ಷಿ ಮಾಲೆ-ಬೆಳೆಯ ಸಿಂಗಾರವ
ವಜ್ರ ವೈಡೂರ್ಯ ಮಾಡಿ ತ್ಯಾಗವ

 ಆದರೆ ಸಂಥಿಣಿ ಯೋಗಿಣಿ ತ್ಯಾಗದ ಮಣಿ
ಸಿದ್ದನ ವರವ ಪಡೆದ  ಶಿವಯೋಗಿಣಿ
ಸತತ ಧ್ಯಾನದಿ ಅವಿರತ ದೈವಸಾಕ್ಷಾತ್ಕಾರಣಿ

ಭಾವ ಪರವಶ ಬಂಧಿ,ಮಿಥ್ಯೆ ಜೀವನದ
ಸಂತೆ ಸಾರಿದೆ ಅಬಲೆಯರ ಕಣ್ಣುವರಿಸಿ
ಕನ್ನಡ ಶಾಲೆಗಳ ತೆರಸಿದೆ- ನನ್ನವ್ವ ದೊಡ್ಡವ್ವ

ಜ್ಞಾನನಿಧಿಯ ಅರಸಿ,ಹಿಂದುಳಿದವರ
ಎಬ್ಬಿಸಿ ಕನ್ನಡದಿ ಮಹಾಕಾವ್ಯ ರಚಿಸಿ
ಕಣ್ಮಣಿಗಳ ಕಣ್ಣು ತೆರೆಸಿದಿನನ್ನವ್ವ ದೊಡ್ಡವ್ವ .

ರಜಾಕಾರರ ಬಡಿದೊಡಿಸಿದಿ ನಿರಾಶ್ರಿತರಿಗೆ 

ಆಶ್ರಯಿಸಿದಿ,ನಿಜಾಮನ ಉಲ್ಲಂಘಿಸಿ –
ಏಕೀಕರಣ ಕೈಗೂಡಿಸಿದೆ-ನನ್ನವ್ವ ದೊಡ್ಡವ್ವ…

ಸತ್ಯಕಾಯಕದಿ ಸೊನ್ನಲಿಗೆ ಕರುನಾಡ
ಸೇರದಾಗ ಶರಣರ ಬೀಡು ಕಲ್ಯಾಣನಾಡ
 ಶರಣರ ಭೂಮಿಯಲ್ಲಿ ಒಂದಾದೆ….

ದಿವ್ಯ ಜ್ಞಾನ ನಿಜ ಸಂಪದ ಪಡದೆ  
ಶರಣರ ಗತಕಾಲ ಮರುಕಳಿಸಿದೆ
ಸಿದ್ಧಶೈಲದ ಬಯಲೊಳು ಬಯಲಾದೆ ‌‌…

ಬಾರಿಸಿ ಕನ್ನಡದ ಜಯದ ಜಯಭೇರಿ
ಖುಷಿ ಶರಣರ ವಂಶ ಶುಭ ಕಳೆ ಕಲಶವಾದೆ
ನೀ- ನನ್ನವ್ವ ದೊಡ್ಡವ್ವ …….

---

ಸವಿತಾ ದೇಶಮುಖ