́ನದಿಯ ಭೀತಿ….́ಕವಿತೆ ಮೂಲ: ಖಲೀಲ್ ಗಿಬ್ರಾನ್ ಕನ್ನಡಕ್ಕೆ : ರಾಮಚಂದ್ರ ಎಲ್.ಕನಕ.

ಅನುವಾದ ಸಂಗಾತಿ

́ನದಿಯ ಭೀತಿ….́

ಮೂಲ: ಖಲೀಲ್ ಗಿಬ್ರಾನ್

ಕನ್ನಡಕ್ಕೆ : ರಾಮಚಂದ್ರ ಎಲ್.ಕನಕ.

ನದಿಗೆ-ಸಾಗರದಲ್ಲಿ ಕಳೆದುಹೋಗುವ ಭೀತಿ ! 

ಗಿರಿ-ಶಿಖರಗಳಿಂದಿಳಿದು, ಬೆಟ್ಟ-ಗುಡ್ಡಗಳನ್ನು ಬಳಸಿ

ಬಳಕುತ್ತ ಊರು-ಕೇರಿಗಳನ್ನು ದಾಟಿ, 

ಸಾಗರದೆದುರು ನಿಂತಾಗ ಕಂಡಿದ್ದು :
ಪಾರವಿಲ್ಲದ ಅಪಾರ ಜಲರಾಶಿ !
ಕಡಲೊಡಲ ಸೇರಿದರೆ ನದಿಗೆ ಶಾಶ್ವತವಾಗಿ ಕಳೆದುಹೋಗುವ ಭೀತಿ!

ಆದರೆ ಆಯ್ಕೆಗಳಿಲ್ಲ.

ನದಿಗಳು ಹಿಂದಕ್ಕೆ ಹರಿಯುವುದಿಲ್ಲ !
 ಬದುಕಿನಲ್ಲಿ ಯಾರೂ ಹಿಂದೆ ಹೋಗಲಾರರು !

ನದಿಗೆ ಮುನ್ನಡೆಯಲೇಬೇಕು
ಸಾಗರವನ್ನು ಸೇರಲೇಬೇಕು.

ನದಿ ಸಾಗರವನ್ನು ಸೇರಿದಾಗ-ಭಯ ಮಾಯ ! 

ಇದು, ನದಿ ಸಾಗರದಲ್ಲಿ ಕಳೆದುಹೋಗುವ ಕ್ರಿಯೆಯಲ್ಲ ;
ಬದಲಾಗಿ,  ನದಿಯೇ ಸಾಗರವಾಗುವ ಪರಿ !!!
…..
ಮೂಲ: ಖಲೀಲ್ ಗಿಬ್ರಾನ್ .
ಕನ್ನಡಕ್ಕೆ :ರಾಮಚಂದ್ರ ಎಲ್.ಕನಕ.