ಗಾಯತ್ರಿ ಎಸ್ ಕೆ ಅವರ ಕವಿತೆ-ಕಲ್ಪನೆ

ಕಾವ್ಯ ಸಂಗಾತಿ

ಗಾಯತ್ರಿ ಎಸ್ ಕೆ

ಕಲ್ಪನೆ

ಮನದಾ ಚೆಲುವೆ
ಮನದೊಳಗೆಯಿರುವೆ
ಎಂದು ಈಚೆ ಬರುವೆ
ಮನಸ್ಸ ಭಾವನೆ ನೀನಾಗಿರುವೆ
ನಿನಗಾಗಿ ನಾನೆಂದಿಗೂ ಇರುವೆ|

ನವಿರಾದ ಪ್ರೀತಿಯಿದು
ಇನಿದಾದ ಒಲವಿದು
ಬಳ್ಳಿಯಂತೆ ಹಬ್ಬಿರುವುದು
ಒಲವಿನ ಮನವಿದು|

ನಗುವಿನಲಿ ಎಲ್ಲ
ಮಾತುಗಳಿವೆಯಲ್ಲ
ಬಯಸುವುದೆಲ್ಲ
ತುಂಬಿಹುದೆಲ್ಲ|

ಕಾವ್ಯವು ಕನಸಿನ ಚಿಲುಮೆ
ಮೂಡಿದೆ ಒಲುಮೆ
ಇದು ಕಲ್ಪನಾ ಜಗವೇ
ಹರಡಿದೆ ಒಲವ ಮಹಿಮೆ|

ಅರಳುವ ಹೂಮನ
ಬಯಸಿದೆ ಈ ಮನ
ಹೊಂಗನಸಿನ ಸುಮನ
ಚಂದವಿದು ಭಾವನಾ|

---

ಗಾಯತ್ರಿ ಎಸ್ ಕೆ