ಇಮಾಮ್ ಮದ್ಗಾರ ಅವರ ಕವಿತೆ ಮಗಳು

ಕಾವ್ಯ ಸಂಗಾತಿ

ಇಮಾಮ್ ಮದ್ಗಾರ

ಮಗಳು

ಅವು ಪುಸ್ತಕವೋ ಕನಸೋ ಸಡಗರವೋ ಉಲ್ಲಾಸವೋ… ತುಂಬೇ ತುಂಬುತ್ತಾಳೆ ಬಟ್ಟೆಯ ತೀಜೋರಿಯ ತುಂಬಾ ಹೊರಲಾರದಂತೆ

ಮೊಲಹಾರುವದು ತಡವಾಗಬಹುದು
ಜಿಂಕೆಯೋಟವೂ ನಿಧಾನವಾಗಬಹುದು
ಕಣ್ರೆಪ್ಪೆಬಡಿಯುವದರೊಳಗೆ ಶಾಲೆಯಂಗಳದಲ್ಲಿ !

ಬಿಡೆರಡುದಿನ ಶಾಲೆಯೆಂದರೆ ಸಾಕು !
ಅಕ್ಕಪಕ್ಕದ ಸಾಮಾನಿಗೆ ಹುೃದಾಯಾಘಾತ .
ಆ ಪುಟ್ಟಹುೃದಯ ದೊಳಗೆಷ್ಟು ಕನಸಿವಿಯೋ ?

ಅವಳ ಕನಸನ್ನೊಮ್ಮೆ
ಕೆಣಕಿ ಕೆದಕ ಬೇಕೇಂದುಕೊಂಡೆ
ಗದರಿಬಿಟ್ಟಾಳೆಂಬ ಭಯದಲ್ಲಿ ಸೈಲೆಂಟಾಗಿಬಿಟ್ಟೆ

ಬೆಳೆಸಬಹುದೇ ಭವಿತವ್ಯ ?
ನನ್ನ ಮಗಳ ಕನಸುಗಳ !
ಎಂಬಾತಂಕ ಎಡೆಬಿಡದೇ ಕಾಡುತಿದೆನ್ನ
ಎಕೆಂದರೇ ಅವಳೆಣ್ಣು ತಾನೇ ?

ರಾಣಿಚನ್ನಮ್ಮ.ಝಾನ್ಸಿಲಕ್ಷ್ಮಿ. ಪ್ರಧಾನಿ ಇಂದಿರಾ.ತಾಯಿ ತೆರೇಸಾ‌.ಲತೆಯೂ ಬಳುಕುವಂತೆ ಹಾಡಿದ ಲತಾ. ಇವರೆಲ್ಲರೂ ತಾರೆಯೂರಿಗೆ ಡಾಂಬಾರು ಹಾಕಿದ್ದು ಹೆಣ್ಣಾಗಿಯೇ ಎಂಬ ಹೆಮ್ಮೆ

ಅವಳ ಕನಸು ಕನಲದಂತೆ ಕಾಪಾಡುವ ನನ್ನ ಕನವರಿಕೆಗೆ
ಒಂದೀಷ್ಟು ಕಸುವುಕೊಡು ದೇವರೇ…
ನನ್ನುಸುರಿನಲಿ ಅವಳ ಸಾಧನೆಯ ಹೆಸರಿರುವಂತೆ

---

ಇಮಾಮ್ ಮದ್ಗಾರ