ಅರಿವೇ ಅಷ್ಟಾಂಗ
ಶೃತಿ ಮೇಲುಸೀಮೆ
ಅಜ್ಞಾನದ ಅಂಧಕಾರದಲ್ಲೊಂದು
ಅರಿವಿನ ಅಂಕುರ
ಅಮ್ಮನ ಕನಸಿನಲ್ಲೇ
ಕರಿಯ ಹೂ ಮಾಲೆಯ ಪುರಸ್ಕಾರ
ಅಶಿತ ಮುನಿಯ ಕಂಬನಿಯ ಕುಂಚ
ಅಪ್ಪನ ಆಂತರಿಕ ತುಮುಲತೆಯ
ಶುದ್ಧ ವೈಶಾಖದ ಪೂರ್ಣಮಿಯಲಿ
ಅರಳಿದ ಅರಮನೆಯ ಕಮಲ
ಯಶೋಧರೆಯ ಮ್ಲಾಮತೆ
ರಾಹುಲನ ಪಿತ
ಚೆನ್ನನ ಮಾಲೀಕ
ಕಂಥಕನ ಕಾಂತಿಮತಿ ಈ ಸಿದ್ದಾರ್ಥ
ದಿಕ್ಕನ್ನೇ ದರ್ಶಿಸಿದ ಬೀದಿ ಬದುಕು
ಸತ್ಯ ಅನ್ವೇಷಣೆಯ ಪರಿತ್ಯಾಗಿ
ಜ್ಞಾನಕ್ಕಾಗಿ ಪರಿತಪಿತ ವಿವೇಕಿ
ಜಗಕೆ ಶಾಂತಿ ಬೋಧಿಸಿದ ಯೋಗಿ
ಶುದ್ಧ ಚಾರಿತ್ರ್ಯದ ಮೂರ್ತಿ
ಮಂದಸ್ಮಿತದ ವದನದ ಕ್ರಾಂತಿ
ಧ್ಯಾನ, ಮೌನ, ಜೀವನ ಪ್ರೀತಿಯ ಪ್ರತೀಕ
ಅಷ್ಟಾಂಗ ಮಾರ್ಗದ ದರ್ಶಕ
ಮತ್ತೊಮ್ಮೆ ಕುದರೆಯೇರಿ
ಆಸೆ ,ಅಹಂಕಾರ ಮೀರಿ
ಹಿಂದಣ ಮುಂದಣ ಭಾವ ಸೀಳಿ
ಎಲ್ಲರ ಮನವ ಗೆಲ್ಲಲು
ನೀ ಬಾ ನಮ್ಮ ಬುದ್ಧ
*****
