ನಾಗರಾಜ ಜಿ. ಎನ್. ಬಾಡ ಹನಿಗವನಗಳು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ನಾಗರಾಜ ಜಿ. ಎನ್. ಬಾಡ

ಹನಿಗವನಗಳು

೧) ಚೀತ್ಕಾರ

ಕಡಿದು ಮುಗಿಸಿದರು ಕಾಡು
ಕಟ್ಟಿದರು ಹೊಸ ನಾಡು
ಹೇಳತೀರದು ಪ್ರಾಣಿಗಳ ಪಾಡು
ಆಹಾರ ಅರಸಿ ಹೊರಟ ಪ್ರಾಣಿಗಳ ನೋಡು
ಮರಗಳ ಕಡಿಯಲು ಉರುಳಿವೆ ಹಕ್ಕಿಗಳ ಗೂಡು
ಚೀತ್ಕಾರ ಮಾಡುತ ಹಿಡಿದಿವೆ ಪ್ರಾಣಿಗಳು ಪೇಟೆಯ ಜಾಡು

೨) ಚಾಕಚಕ್ಯತೆ

ಗೆಲುವಿನ ಸವಿ ಸವಿಯೋದಕ್ಕೆ
ರೆಡಿಯಾಗಿರಬೇಕು ತಂತ್ರ ಪ್ರತಿ ತಂತ್ರಕ್ಕೆ
ಬಲಿಯಾಗಬಾರದು ಕುತಂತ್ರಕ್ಕೆ
ತಿಳಿದಿರಬೇಕು ಚಾಕಚಕ್ಯತೆಯಲ್ಲಿ ಮುನ್ನುಗ್ಗುವುದಕ್ಕೆ
ಸಿದ್ದರಿರಬೇಕು ಸೋಲು ಗೆಲುವು ಎದುರಿಸುವುದಕ್ಕೆ

4)ಚರಿತಾರ್ಥ

ನಮ್ಮವರಿಗಾಗಿ ನಾವು ಶ್ರಮಿಸಬೇಕು ನೋವುಗಳ ಮರೆತು ಬಾಳಬೇಕು
ಕತ್ತಲನ್ನು ಸರಿಸಿ ಬೆಳಕ ಹುಡುಕಬೇಕು ಕನಸುಗಳನ್ನು ನನಸಾಗಿಸಬೇಕು
ಖುಷಿಯ ಸುತ್ತಲೂ ಹಂಚಬೇಕು
ಚರಿತಾರ್ಥ ಭಾವನೆ ಮನದಿ ನೆಲೆಸಿರಬೇಕು

೪) ಚಮತ್ಕಾರ

ಹೆಜ್ಜೆ ಹೆಜ್ಜೆಗೂ ತುಂಬಿದೆ ಚಮತ್ಕಾರ
ಸರಿಸ ಬೇಕು ಬಾಳಿನ ಅಂಧ:ಕಾರ
ಮಾಡುತ್ತಿರು ನೀನು ಜನರಿಗೆ ಉಪಕಾರ
ರಾಗ ದ್ವೇಷಗಳಿಗೆ ಇರಲಿ ತಿರಸ್ಕಾರ ಒಳ್ಳೆಯತನಕ್ಕೆ ಇರಲಿ ಎಂದೆಂದೂ ಪುರಸ್ಕಾರ ನೀನಾಗು ಜಗಕ್ಕೆ ಖುಷಿಯ ಹರಿಕಾರ

ನಾಗರಾಜ ಜಿ. ಎನ್. ಬಾಡ