ಕಾವ್ಯ ಸಂಗಾತಿ
ಅಂಕಲಿ ಬಸಮ್ಮ
ಗಜಲ್
ಮನಸಿನಲಡಗಿದ ಜಾತಿ ಧರ್ಮದ ಕಸವ ಗುಡಿಸು ಬಾ ಬಾಪು.
ನಾಲಿಗೆಯ ಮೇಲೆ ಆಡುವ ನೀಚತನ ಓಡಿಸು ಬಾ ಬಾಪು.
ತಂಟೆ ತಕರಾರುಗಳೆ ಪ್ರಗತಿಯ ಮಂತ್ರವಾಗಿದೆ ಈಗೀಗ
ಸಮಾನತೆಯ ಸಾರದ ಸವಿಯನೆಲ್ಲ ಉಣಿಸು ಬಾ ಬಾಪು.
ಪೊಳ್ಳು ಭರವಸೆ ಸುಳ್ಳು ಪ್ರಗತಿ ಪತ್ರಗಳೆ ಇವರ ಸಾಧನೆ.
ಕಳ್ಳ ಮನಸಿನ ಸುಳ್ಳರಿಗೆ ಸುಣ್ಣದ ನೀರ ಕುಡಿಸು ಬಾ ಬಾಪು.
ದೊರೆಯ ಅಂಗಳದಲ್ಲಿ ಧರ್ಮದ ರಂಗೋಲಿ ಬಿಡಿಸಲಾಗಿದೆ.
ಹರವಿದ ಚುಕ್ಕಿಗಳನೆಲ್ಲ ಅಳಿಸು ಬಾ ಬಾಪು.
ಅಂಕಲಿಯ ಮಂದಿಯ ಕನಸೇಕೊ ನಡಗುತಿದೆ.
ಭರವಸೆ ಕಳೆದುಕೊಂಡವರ ಬಾಳಿಗೆ ಬೆಳಕ ಹನಿ ಹನಿಸು ಬಾ ಬಾಪು.
ಅಂಕಲಿ ಬಸಮ್ಮ
