ಅನುವಾದ ಸಂಗಾತಿ
ಗಜಲ್
ಹಿಂದಿ ಮೂಲ : ಜಬೀವುಲ್ಲ ಅಸದ್
ಕನ್ನಡಕ್ಕೆ: ಅನಸೂಯ ಜಹಗೀರದಾರ
ನಿನ್ನ ಪ್ರೀತಿಯನು ಚಾಲನೆಗೊಳಿಸು ಮತ್ತೊಮ್ಮೆ
ಈ ಹೃದಯವನು ಮಿಡಿತಗೊಳಿಸು ಮತ್ತೊಮ್ಮೆ
ಹಳಹಳಿಕೆ ಅಲಂಕರಿಸಿದೆ ಮನದ ಪಿಸುಮಾತ ಗೋಡೆಯೊಳಗೆ
ಸಂಜೆಯ ನೀರವತೆಯ ಬೇಸರವ ಹೋಗಲಾಡಿಸು ಮತ್ತೊಮ್ಮೆ
ಬಹು ನೆನಪಾಗಿ ಸುಳಿದು ಕಾಡುವೆ ಏನೊ
ಎಂತೋ ತಿಳಿಯದಾಗಿದೆ ಏಕಾಂತದೊಳಗೆ ಅವಿತ ಕಂಬನಿದುಂಬಲು ಅನುಮತಿಸು ಮತ್ತೊಮ್ಮೆ
ಎದೆಯಲಿ ಮೀಟಿದ ಸಿತಾರದ ತಂತಿಯು ಚೂರಾಯಿತು ಪ್ರೇಮವೆ
ಮೌನದೊಳಗೆ ತುಡಿವ ಹಾಡನು ಗುಣುಗುಣಿಸು ಮತ್ತೊಮ್ಮೆ
ನಿನ್ನದೇ ಕನಸುಗಳು ಒಂಟಿಯಾಗಿ ಕುಳಿತಾಗಲೆಲ್ಲ ಹೀಗೆ
ಜೀವನದ ನಂಟನು ಮರಣದೊಂದಿಗೆ ವಿಶ್ಲೇಷಿಸು ಮತ್ತೊಮ್ಮೆ
ಈಗಲೂ ಬದುಕಿರುವೆನೆಂದರೆ ನಿನ್ನಿಂದಾಗಿಯೇ ಅಲ್ಲವೆ
ಇದ್ದೂ ಇಲ್ಲವಾಗುವ ಪರಿಯನು ಅಸದ್ ಗೆ ಕರುಣಿಸು ಮತ್ತೊಮ್ಮೆ
ಹಿಂದಿ ಮೂಲ:- ಜಬೀವುಲ್ಲ ಅಸದ್
ಕನ್ನಡಕ್ಕೆ :- ಅನಸೂಯ ಜಹಗೀರದಾರ
ಚೆನ್ನಾಗಿದೆ
ಧನ್ಯವಾದಗಳು ಸರ್.
ನಮಸ್ತೆ ಮೇಡಂ
ಚೆನ್ನಾಗಿದೆ ಅನುವಾದ
ಧನ್ಯವಾದಗಳು ಸರ್.
ಚೆನ್ನಾಗಿದೆ
ಗಜಲ ವ್ಯಾಕರಣದಲೇ ಅನುವಾದಿಸಿರುವುದು ವಿಶೇಷ. ತಮಗೆ ಅಭಿನಂದನೆ.