ಕಾವ್ಯ ಸಂಗಾತಿ
ಹಂಸಪ್ರಿಯ ಕವಿತೆ-
ವಿಚಿತ್ರ
ಕುಂಚವಿಲ್ಲದೆ ಬರೆದ ಭಿತ್ತಿಗಂಟದ ಚಿತ್ರ
ಬರೆದವವರಾರೋ ಆಕಾಶ ಭಿತ್ತಿಯಲಿ.
ಮಾರುತನ ತುಂಟಾಟಕೆ,
ಮೇಘಗಳ ನರ್ತನ.
ಚಿತ್ರಗಳ ವೈಚಿತ್ರಕೆ ಬಣ್ಣ ಬಳಿದ ರವಿ ;ರವಿವರ್ಮನಂತೆ.
ಅಶ್ವ – ಗಜರೂಪ
ದೇವ – ದೈತ್ಯ ರೂಪ
ವಿಶ್ವ ವಿರಾಟರೂಪ
ಕ್ಷಣ – ಕ್ಷಣಕೂ ವಿಲಕ್ಷಣ ರೂಪ.
ತಂಪಾದ ಅನಿಲ ಸ್ವರ್ಶಕೆ
ಹನಿ ಹನಿಯಾಗಿ ಸುರಿದು ತಲಸ್ಪರ್ಶಕೆ
ಚಿತ್ರಗಳೆಲ್ಲಾ ಮಾಯ, ಶುಭ್ರ ಆಕಾಶಕಾಯ.
ಸುರಿದ ಹನಿ ಮತ್ತೆ ಮೋಡವಾಗಬೇಕು
ಹೊಸಚಿತ್ರವಾಗಬೇಕು…
ನೆಲ – ಮುಗಿಲ
ನಂಟನರಿಯಬೇಕು ಮನುಜ.
ಕಳೆದುಕೊಂಡರೆ ನಂಟು ಬಾಳು “ವಿಚಿತ್ರ”.
———————–
ಹಂಸಪ್ರಿಯ
