ಕಾವ್ಯ ಸಂಗಾತಿ
ಡಾ ಅನ್ನಪೂರ್ಣ ಹಿರೇಮಠ
ಗೆಳೆತನ
ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದು
ಅದೇಗೋ ಚಿರಪರಿಚಿತರಾಗಿ
ಚಿರಕಾಲ ಹಸಿರಾಗಿ ಉಸಿರಾಗಿ
ತಂಪು ಸೋಂಪು ನೀಡುತ ಉಳಿಯುವುದೇ ಸ್ನೇಹವು//
ಅರಳಿ ನಗುವ ಹೂವಿನಂದದಿ
ಬೆಳಕ ಕೊಡುವ ಸೂರ್ಯ ರಶ್ಮಿಯಂದದಿ
ಕೂಗೋ ಗಿಳಿ ಕೋಗಿಲೆ ಹ** ಇಂಚರ ದಂದದಿ
ಮುದ ನೀಡುತ ಮಧುರತೆಯ ಭಾವ
ಹೊಸೆದು ಬೆಸೆವುದೇ ಅಮರ ಸ್ನೇಹವು//
ಬಡತನ ಸಿರಿತರವನರಿಯದ
ಕೃಷ್ಣ ಸುಧಾಮರ ಪ್ರೀತಿಯಂತೆ
ಪರಮ ಭಕ್ತ ಬಾಲಾಜಿಗೊಲಿದ
ಮಗು ಮನದ ವಿಷ್ಣುವಿನ ಪ್ರೀತಿಯಂತೆ
ಜೀವ ಭಾವ ಬೆಸೆವ ಸಂಭವದುವೇ ಸ್ನೇಹವು//
ಸ್ವಾರ್ಥ ಕೀರ್ತಿಯ ನೆಚ್ಚಿ ಬೆಳೆಯದು
ಘನತೆ ಗೌರವಗಳ ಬೆನ್ನತ್ತಿ ಕೆಡದು
ದುರಾಸೆ ಮೋಸ ವಂಚನೆ ಬಳಿ ಸುಳಿಸದು
ಹದ ಮಣ್ಣಿಗೆ ಬಿದ್ದ ಕಾಳಂತೆ
ಕಡಲ ಚಿಪ್ಪಿಗೆ ಬಿದ್ದ ಸ್ವಾತಿ ಮಳೆ ಹನಿಯಂತೆ
ಹೊಳೆದು ಚಿಗುರಿ ಹೆಮ್ಮರವಾಗುವುದೇ ಸ್ನೇಹವು//
ಜೀವಕ್ಕೆ ಜೀವ ಕೊಡುವ ಕುಚಿಕು ಗೆಳೆತನ
ಪ್ರಾಣ ಲೆಕ್ಕಿಸದೆ ಕಾಪಾಡುವ ಗಟ್ಟಿ ಸಂಬಂಧ
ಅಂತರಾತ್ಮದ ಬೆಳಕಿನೊಳು ಬೆಳಗುವುದು
ಹೃದಯ ಮಂದಿರದೆ ಹಸಿರಾಗಿರುವುದು
ಒಡಲಾಳದಿ ಸದಾ ಮಿಡಿಯುತಿರುವುದು
ಬಣ್ಣಿಸಲಾಗದ ಪದಗಳಿಗೆ ನಿಲುಕದ
ಮೇರು ಸಂಭಂದವೇ ಗೆಳೆತನ//
ಡಾ ಅನ್ನಪೂರ್ಣ ಹಿರೇಮಠ
ಸೂಪರ್