ಕಾವ್ಯ ಸಂಗಾತಿ

ಡಾ.ರೇಣುಕಾತಾಯಿ.ಸಂತಬಾ ರೇಮಾಸಂ

ಗಜಲ್

ಬದುಕು ಕಟ್ಟಲು ಸೋಲಿಗೆ ಹೆದರಿ ಜಯವನು ಬಿಡಲಾರೆ
ಭಾವಿ ಕಪ್ಪೆಯಂತೆ ಬೇಲಿ ಕಟ್ಟಿಕೊಂಡು ಭಯವನು ಪಡಲಾರೆ //

ದಾರಿ ದುರ್ಗಮವೆಂದು ಹಿಂದರಿದರೆ ಗಮ್ಯವ ಸೇರಬಹುದೆ
ಗುರಿ ಮುಟ್ಟಲು ನುಗ್ಗಬೇಕಲ್ಲ ತಡೆಗಳನು ನೋಡಲಾರೆ //

ಕ್ರೋಧ ಭಾವವು ಸುಡುತಿರೆ ಎದೆಯನು ಸಂತೈಸುವೆನು
ಹೃದಯದ ಮಾತು ಕೇಳದೆ ನಿರ್ಧಾರವನು ಮಾಡಲಾರೆ//

ಯೋಚಿಸಿ ರೂಪಿಸಿದ ಯೋಜನೆಯು ಫಲಪ್ರದವದು
ದೃಢತೆಯೆ ಗೆಲ್ಲುವದು ಅಸಾಧ್ಯ ರಾಗವನು ಹಾಡಲಾರೆ//

ಬಲವು ತಾಯಿ ತೋರಿದ ದಾರಿಯಲಿ ಕಂಡಿದೆಯಲ್ಲ
ಒಲವಿನ ಕಡಲಲಿ ಬೇಡದಾದ ಆಟವನು ಆಡಲಾರೆ//

About The Author

admin

See author's posts