ಕಾವ್ಯ ಸಂಗಾತಿ
ಪ್ರಬಾ ಅಶೋಕ ಪಾಟೀಲ
ಅಂತರಂಗದ ಅಳಲು
ನೊಂದವರ ಕಣ್ಣೀರು ವರೆಸಬೇಕಿದೆ
ಅಶಕ್ತರಿಗೆ ಬಲ ತುಂಬಬೇಕಿದೆ
ಶಾಂತಿ ಸಹನೆಯ ಕಲಿಯಬೇಕಿದೆ
ನಾನು ಬುದ್ಧನಂತೆ ಶಾಂತನಾಗಬೇಕಿದೆ //
ಅಂತರಂಗದ ಭಾಷೆ ತಿಳಿಯಬೇಕಿದೆ //
ಅ ಹಿಂಸಾ ತತ್ವಗಳ ಸಾರಬೇಕಿದೆ
ಅರಿವ ಜ್ಯೋತಿಯ ಪಡೆಯಬೇಕಿದೆ //
ನಾನು ಬುದ್ಧನಂತೆ ಬದ್ಧನಾಗಬೇಕಿದೆ //
ಮನದ ಶಾಂತಿಯ ಅರಸ ಬೇಕಿದೆ
ನಿಸರ್ಗದ ನಿಯಮ ತಿಳಿಯಬೇಕಿದೆ //
ಬದುಕಬಂಡಿಯ ಎಳೆಯಬೇಕಿದೆ //
ಬುದ್ಧನಂತೆ ಸಮಚಿತ್ತದಿ ಸಾಗಬೇಕಿದೆ //
ಸಾಗರದ ಅಷ್ಟು ಆಳವಾಗಿ
ನದಿಗಳಂತೆ ಪ್ರಶಾಂತವಾಗಿ
ಆಕಾಶದಷ್ಟು ವಿಶಾಲವಾಗಿ
ಬದುಕಬೇಕಿದೆ ಅಂತರಂಗದಿ ನಿರಾಳವಾಗಿ//
