ಬುದ್ದ ಪೂರ್ಣಿಮಾ ವಿಶೇಷ
ಕರುಣಾ ಸಾಗರ
ಅನ್ನಪೂರ್ಣ ಸುಭಾಷಚಂದ್ರ ಸಕ್ರೋಜಿ
ಶಾಂತಿ ಪ್ರೀತಿ ನೀತಿಯ ಜ್ಯೋತಿ
ಬೆಳ್ಳಂಬೆಳಕು ಹರಡಿದ ರೀತಿ
ಆನಂದಿಸಿ ನಮಿಸೋಣ ಬನ್ನಿ
ಸಿದ್ಧರ ಸಿದ್ಧಪುರುಷ ಸಿದ್ಧಾರ್ಥ
ದಯೆ ಕರುಣೆಗಳೇ ನಿನ್ನ ಸಿದ್ಧಾಂತ
ಅದನರಿತ ಮನುಜ ಕೃತಾರ್ಥ
ನಿನ್ನ ಮನವೇ ನಿನಗೆ ಶತೃ ಮಿತ್ರ ಅದನರಿವ ಜಾಣ್ಮೆನಿನ್ನ ಕೈಲಿಮಾತ್ರ
ಬೋಧಿಸಿದೆ ನೀನು ಸರ್ವತ್ರ
ನಿಮ್ಮ ನಡೆ ನುಡಿ ಶಾಂತಿ ಮಂತ್ರ
ಸಾರಿದೆ ನೆಮ್ಮದಿನಂಬಿಕೆಯ ತಂತ್ರ ದುಃಖದಮೂಲ ಆಸೆಯೇಕುತಂತ್ರ
ಪಂಚಭೂತಗಳ ನಶ್ವರ ಶರೀರಕೆ
ಪಂಚಶೀಲತತ್ವಗಳನು ಅರುಹಿದೆ
ಪ್ರಬುದ್ಧ ಬುದ್ಧನಾಗಿ ಬೆಳಗಿದೆ
ಜಾತಿಭೇದ ಲಿಂಗಭೇದ ತೊಡೆದೆ
ಅಹಂಕಾರಮಮಕಾರಬೇಡವೆಂದೆ
ಧ್ಯಾನಯೋಗಿ ಜ್ಞಾನನಿಧಿ ನೀನಾದೆ
ತಿಂಗಳನ ಬೆಳದಿಂಗಳಿನಂತೆ
ತಂಪು ಕಂಪಿನ ಮಲ್ಲಿಗೆಯಂತೆ
ಮುಗ್ಧ ಮಗುವಿನ ನಗೆಯಂತೆ
ಕರುಣಾಸಾಗರ ನಿನಗೆ ನಮಸ್ಕಾರ
ಅನ್ನಪೂರ್ಣ ಸುಭಾಷಚಂದ್ರ ಸಕ್ರೋಜಿ ಪುಣೆ
About The Author
