ಯುಗಾದಿ ಕಾವ್ಯ

ಯುಗಾದಿ ಬಂದಿದೆ

ವೀಣಾ ರಮೇಶ್

ಯುಗಾದಿ ಬಂದಿದೆ

ಇಳೆಯ ಹೊಸಿಲಿಗೆ

ಅಡಿಇಟ್ಟ ಹೊಂಗಿರಣ

ವಸಂತನ ಚಿಗುರಿನಲಿ

ತರುಲತೆಗಳ ತೋರಣ

ಯುಗಾದಿ ತಂದ ಸಿಹಿ

ಸಿಹಿ ಹೂರಣ

ಹೊಸ ಪರ್ವದ ಹಾದಿ

ಚೈತ್ರಮಾಸದ ಯುಗಾದಿ

ಹಳೆಯ ನೆನಪುಗಳು

ತಿವಿದು ಹೊರಳಿದೆ

ಮತ್ತದೇ ಹೊಸ ಕನಸು

ಬಗೆದು ಮರಳಿದೆ

ಸಿಹಿ ಕಹಿಗಳು ತಬ್ಬಿವೆ

ಮತ್ತದೇ ಬದುಕಿನ, ಸಾಂಗತ್ಯಕೆ ಬದುಕು

ಬೆಸೆದಿದೆ, ಹಸಿರು ಸಿರಿಯಲಿ ನಿಸರ್ಗ

ಮೈತುಂಬಿದೆ

ಮಾವು,ಬೇವುಗಳ

ಭಾವ ಸಮಾಗಮ

ಏಳು ಬೀಳುವಿನ

ಸಿಹಿಕಹಿ ಸುಖದ ಲೇಪನ

ಬೇವು ಬೆಲ್ಲದ ಜೀವನ ಸವಿಯೋಣ

ಸಮಾನತೆ ಹಂಚೋಣ

ಯುಗಾದಿ ಅರ್ಥತಿಳಿದು

ಆಚರಿಸೋಣ

*********